इंग्लिश स्कूल खर्डा विद्यार्थांना करावा लागतो अनेक समस्यांचा सामना, सुधारणा न झाल्यास अंदोलन करण्याचा दिला इशारा

पोलीस वारंट न्युज नेटवर्क : २६जुलै 

जामखेड तालुक्यातील खर्डा येथील खर्डा इंग्लिश स्कूलच्या विद्यार्थांना अनेक समस्यांचा सामना करावा लागत असून याकडे मुख्याध्यापक व संस्थेचे पुर्णपणे दुर्लक्ष असून यात तातडीने सुधारणा न केल्यास अंदोलन करण्यात येईल असा इशारा पालक व खर्डा येथील नागरिकांनी दिला आहे. या बाबत विद्यालयाचे मुख्याध्यापकांना दिलेल्या निवेदनात म्हटले आहे की,

विद्यालयात पालक मिटींग होत नाही. विद्यार्थ्यांना  बसण्यासाठी बँच नाहीत. आहेत त्यातील ही अनेक मोडलेल्या आहेत. वर्गखोल्यांमध्ये अस्वच्छता पसरलेली असते. विद्यार्थ्यांची मुतारी अतिशय अस्वच्छ आहे. पावसाळ्यात विद्यालयाच्या गेटपासून ते विद्यालयापर्यंत  मोठ्या प्रमाणात चिखल असतो.  विद्यार्थ्यांना पिण्यासाठी पाणी अतिशय अस्वच्छ येत असल्यामुळे विद्यार्थ्यांचे आरोग्य धोक्यात आले आहे

. विद्यार्थी संख्या मोठी असून शिक्षकांची संख्या त्या मानाने खुप कमी आहे. त्यामुळे विद्यार्थ्यांचे नुकसान होत आहे. मुख्याध्यापक वेळेवर विद्यालयात हजर नसतात. खेळासाठी विशेष शिक्षक नाहीत. विद्यार्थ्यांना 

कुठल्याही प्रकारचे साहित्य  दिले जात नाही.

यासह अनेक समस्यांची पोलखोल करत खर्डा येथील पालक व तरूणांनी खर्डा इंग्लिश स्कूल प्रशासनाचा अनागोंदी कारभार समोर आणला असून यात तातडीने सुधारणा न केल्यास आंदोलन करण्याचा इशारा देण्यात आला आहे.