जामखेड तालुका राष्ट्रवादी काँग्रेस पक्ष शरदचंद्र पवार गटाच्या तालुकाध्यक्षपदी विजयसिंह गोलेकर यांची निवड ,आ. रोहित पवारांच्या विश्वासाला पात्र ठरवणार - विजयसिंह गोलेकर

पोलीस वारंट न्यूज नेटवर्क-८ फेब्रुवारी 

पक्षाने टाकलेले जबाबदारी समर्थपणे सांभाळताना सर्व पदाधिकारी व कार्यकर्ते यांच्याशी समन्वयक साधत राष्ट्रवादी काँग्रेस शरदचंद्र पवार या पक्षाचे विचार व पक्षचिन्ह घराघरात पोहोचवण्यासाठी तसेच सर्वसामान्य जनतेच्या कामासाठी आमदार रोहित पवार व पक्षाच्या माध्यमातून नेहमीच अग्रेसर राहणार व आमदार रोहित पवारांच्या विश्वासाला पात्र ठरवण्यासाठी  सर्वसामान्य कार्यकर्ता म्हणून निश्चितपणे पक्षाची विचारधारा लोकांपर्यंत पोहोचवण्याचे काम प्रामाणिकपणे करण्याचा प्रयत्न करेल असे प्रतिपादन नवनिर्वाचित जामखेड तालुकाध्यक्ष राष्ट्रवादी काँग्रेस शरदचंद्र पवार पक्षाचे विजयसिंह गोलेकर यांनी  केले आहे .

राष्ट्रवादी काँग्रेस शरदचंद्र पवार पक्षाच्या जामखेड तालुकाध्यक्षपदी विजयसिंह गोलेकर यांची निवड झाली तर  महालिंग कोरे यांची  राष्ट्रवादी काँग्रेस शरदचंद्र पवार पक्षाचे नवनिर्वाचित खर्डा शहराध्यक्ष पदी  निवड झाली व अशोक पठाडे यांची राष्ट्रवादी काँग्रेस शरदचंद्र पवार पक्षाच्या  युवक जामखेड तालुका कार्याध्यक्षपदी निवड झाली 

असून या  तिघांचे यथोचित सत्कार पक्षाच्या व खर्डा ग्रामस्थांच्या वतीने करण्यात आले आहेत . यावेळी पक्षाचे पदाधिकारी व कार्यकर्ते उपस्थित होते.

राष्ट्रवादी काँग्रेस शरदचंद्र पवार पक्षाच्या जामखेड तालुकाध्यक्षपदी विजयसिंह गोलेकर यांची निवड करण्यात आली आहे. काल दि. कर्जत येथे झालेल्या बैठकीत त्यांची निवड करण्यात आली आहे. 

कर्जत येथे झालेल्या बैठकीसाठी पक्षाचे प्रदेशाध्यक्ष जयंत पाटील, जिल्हाध्यक्ष राजेंद्र तात्या फाळके, जेष्ठ नेते प्रा. मधुकर राळेभात, राजेंद्र कोठारी, दत्तात्रय वारे, सूर्यकांत मोरे, रमेश आजबे, नूतन तालुकाध्यक्ष विजयसिंह गोलेकर, खर्डा ग्रामपंचायत सदस्य प्रकाश गोलेकर आदींसह

सह कर्जत जामखेड मतदारसंघातील प्रमुख पदाधिकारी उपस्थित होते. 

नवनिर्वाचित तालुकाध्यक्ष विजयसिंह गोलेकर हे सुरूवातीपासूनच खा. शरदचंद्र पवार व पक्षाचे निष्ठावंत म्हणून ओळखले जातात. तसेच काही दिवसांपूर्वीच तालुक्यातील अनेक कार्यकर्त्यांनी विजयसिंह गोलेकर यांची तालुकाध्यक्षपदी निवड करावी म्हणून 

मागणी केली होती. जामखेड पंचायत समिती सदस्य, खर्डा ग्रामपंचायत सदस्य, कृषी उत्पन्न बाजार समितीचे संचालक, राष्ट्रवादी युवकचे जिल्हा कार्याध्यक्ष, रायुकॉंचे प्रदेश कार्यकारिणी सदस्य, विद्यमान राष्ट्रवादी काँग्रेसचे जिल्हा संघटक आदी विविध पदांवर काम केलेले आहे. बुलढाणा, धुळे,नाशिक शहर व ग्रामीण जिल्ह्याच्या पक्ष निरीक्षक पदावर त्यांनी लक्षणीय काम केले. पक्ष अडचणीत असताना मोठ्या निष्ठेने पक्षाचे कार्य करणारा नेता म्हणून त्यांची ओळख आहे.

त्यांची राष्ट्रवादी काँग्रेस च्या जामखेड तालुकाध्यक्ष पदी निवड झाली. आ.रोहित पवार यांनी विजयसिंह गोलेकर यांच्या वर मोठी व महत्वाची जबाबदारी दिली आहे.

 या निवडीबद्दल विजयसिंह गोलेकर यांचे विविध मान्यवरांकडून अभिनंदन होत आहे.