पोलीस वारंट न्यूज नेटवर्क/२१फेब्रुवारी 2025
दिनांक 21 फेब्रुवारी 2025 रोजी,जामखेड तालुक्यातील खर्डा न्यू इंग्लिश स्कूल, खर्डा येथे परिक्षा केंद्राजवळ कॉपी पुरवण्याच्या प्रकरणात एक गंभीर घटना घडली. या प्रकरणात सुजित भगवान केकाण, रा. दरडवाडी ता. जामखेड जि. अहिल्यानगर याच्याविरुद्ध गुन्हा दाखल करण्यात आला आहे.
संपूर्ण महाराष्ट्रात 10 व बारावीचे पेपर सुरू आहेत अशातच जामखेड तालुक्यातील खर्डा येथे आज दुपारी सुमारे 1 वाजेच्या सुमारास, खर्डा न्यू इंग्लिश स्कूल येथे परिक्षा केंद्राचे बंदोबस्त करीत असलेले पोलीस अंमलदार वैजिनाथ मिसाळ, गणेश बडे, व होमगार्ड सागर जायभाय यांनी सुजित भगवान केकाण हा परिक्षा केंद्राच्या मागील बाजुस 100 मिटर परिसरामध्ये कॉपी पुरवण्याचे उद्देशाने मिळुन आल्याचे निरीक्षण केले. या घटनेची माहिती मिळताच त्यांनी त्वरित कारवाई आली आहे.
पोलीस अंमलदार वैजिनाथ मिसाळ, गणेश बडे, व होमगार्ड सागर जायभाय यांनी सुजित भगवान केकाण यांच्याविरुद्ध भारतीय न्याय सहिंता 2023 चे कलम 223 प्रमाणे गुन्हा दाखल केला आहे.सदर प्रकरणाचा पुढील तपास सपोनि विजय झंजाड यांचे मार्गदर्शनाखाली पोहेकाँ संभाजी शेंडे हे करत आहेत.
चौकट
खर्डा पोलीस स्टेशनचे सहाय्यक पोलीस निरीक्षक विजय झंजाड यांनी सांगितले की पालक, नातेवाईक, मित्रमंडळीनी 10 वी 12 वी चे पेपर चालु असताना परिक्षा केंद्राच्या 200 मिटर परिसरामध्ये विनाकारन फिरु नये. अशाच प्रकारे गुन्हे दाखल केले जातील असे त्यांनी स्पष्ट केले.
No comments:
Post a Comment