सोलर पॉवर प्लांटवर सुरक्षा रक्षकाचे हातपाय बांधून दरोडा टाकणारी आतंरजिल्हा टोळी खर्डा पोलिसांकडून जेरबंद

पोलीस वारंट न्यूज नेटवर्क/४ मार्च २०२५

दिनांक 17/02/2025 रोजी पहाटे 3:30 वाजता, जामखेड तालुक्यातील खर्डा येथे O2 पॉवर प्रा.लि. सोलर कंपनीमध्ये एक गंभीर घटना घडली होती. या घटनेत अज्ञात 5 ते 6 चोरांनी सुरक्षा रक्षक व साक्षीदारांवर लाकडी दांडक्याने मारहाण केली व त्यांचे हातपाय बांधून मोबाईल काढून फेकले. त्यानंतर, चोरांनी पिकअप गाडी बोलावून 6,75,000 रुपयांचा कॉपर DC केबल चोरी गेल्याची घटना घडली होती.

याबाबत पोलिसांकडून मिळालेल्या माहितीनुसार  सदर घटनेचा तपास सहाय्यक पोलीस निरीक्षक विजय झंजाड करत होते. . पोलीस अधीक्षक राकेश ओला, अपर पोलीस अधीक्षक प्रशांत खैरे, उपविभागीय पोलीस अधिकारी विवेकानंद वाखारे यांच्या मार्गदर्शनाखाली आरोपींना ताब्यात घेण्यात आले आहे.

1).सागर गोरक्ष मांजरे रा. अहिल्यानगर 2.वाहिद काहीद खान  रा. आंबावली,ठाणे  3.सिराज मियाज अहमद  रा. आंबवली,ठाणे व  01 विधिसंघर्षित बालक रा. आंबीवली, ठाणे यांना निष्पन्न करून यातील 03 आरोपीस अटक करण्यात आली असून 01 विधिसंघर्षित बालक यास ताब्यात घेण्यात आले आहे. दाखल गुन्हायातील आरोपी कडुण ईतर 02 आरोपी निषपन्न करण्यात आले असुन त्यांच्या नावे 1) अमोल चांदणे रा अहिल्यानगर 2) बद्री आलम रा.अबोवली ठाणे.3) वाहीद (पुर्ण नाव माहीत नाही ) असे आहेत.आरोपी सागर मांजरे हा सराईत गुन्हेगार असुन त्यावर अहिल्यानगर जिल्हामध्ये एकुण 28 गुन्हे दाखल आहेत. 

सदर आरोपीतांकडुन दरोड्यातील चोरी गेलेला माल व एक पिकअप टेम्पो असा एकुण 9,25,000/- रुपयांचा मुद्देमाल हस्तगत करण्यात आला आहे. सापळा कारवाई मघ्ये त्यांच्याजकडून 02 कोयते, 05 स्टीलचे पान्हे, 01 लोखडी पक्कड, 01 एक्स पान्हा व त्याचे 04 ब्लेड व 04 मोबाईल असे दरोड्याचे साहित्य मिळून आल्याने ते पंचनामा्याने जप्त करण्यात आले आहे. 

तसेच दिनांक 28/02/2025 रोजी रात्री 11:00 वाजता, गुप्त बातमीदारांकडून मिळालेल्या माहितीनुसार, आरोपी चोरी करण्याच्या उद्देशाने धानोरा शिवार ता. आष्टी जि बीड रोडने जामखेडच्या दिशेने येत असल्याची माहिती मिळाली. त्यानुसार, खर्डा पोलीस स्टेशन व जामखेड पोलीस स्टेशनच्या संयुक्त पथकाने स्थानिक नागरिकांच्या मदतीने एकूण 5 जणांना ताब्यात घेतले व  त्यापैकी 3 आरोपींना अटक करण्यात आली असून, एक विधिसंघर्षित बालक ताब्यात घेण्यात आले आहे. आरोपींकडून चोरी केलेला माल व एक पिकअप टेम्पो असा एकूण 9,25,000/- रुपयांचा मुद्देमाल हस्तगत करण्यात आला आहे.या प्रकरणात आरोपींविरुद्ध गुन्हा दाखल करण्यात आला आहे. आरोपी सागर मांजरे हा सराईत गुन्हेगार असून त्यावर 28 गुन्हे दाखल आहेत. पोलीस अधिकाऱ्यांच्या मार्गदर्शनाखाली आरोपींची सापळा कारवाई करण्यात आली आहे.

सदर कारवाई पोलीस अधीक्षक राकेश ओला, अपर पोलीस अधीक्षक प्रशांत खैरे, उपविभागीय पोलीस अधिकारी विवेकानंद वाखारे, स्थानिक गुन्हे शाखा पोलीस निरीक्षक दिनेश आहेर यांच्या मार्गदर्शनाखाली खर्डा पोस्टे प्रभारी अधिकारी सहाय्यक पोलीस निरीक्षक विजय झंजाड, पोलीस अंमलदार संभाजी शेंडे, विष्णु आवारे, शशी म्हस्के, पंडित हंबर्डे, बाळु खाडे, गणेश बडे, धनराज बिराजदार, स्थानिक गुन्हे शाखा पोलीस अंमलदार विश्वास बेरड, रोहीत मिसाळ, अतुल लोटके यांनी कारवाई केली आहे. जामखेड पोलीस स्टेशनच्या सपोनी नंदकुमार सोनवलकर, पोलीस अंमलदार प्रविण इंगळे, देवा पळसे, कुंदन घोळवे, चालक हनुमंत आडसुळ यांनीही मदत केली आहे.