पोलीस वारंट न्यूज नेटवर्क/४ मार्च२०२५
दिनांक 29 जानेवारी 2025 रोजी, रयत शिक्षण संस्था, उत्तर विभागाच्या विभागीय चेअरमन मा.आ. आशुतोष काळे यांच्या अध्यक्षतेखाली ऑफलाईन/ऑनलाईन सहविचार सभा आयोजित करण्यात आली होती .या सभेत विषय क्र. 1 अनुसार विजयसिंह गोलेकर यांची रयत शिक्षण संस्था, उत्तर विभाग, सल्लागार मंडळावर निमंत्रित सदस्य म्हणून बिनविरोध निवड करण्यात आली. या निवडीबद्दल विजयसिंह गोलेकर यांचे व्यक्तीशः व संस्थेच्या वतीने हार्दिक अभिनंदन करण्यात आले आहे.
विजयसिंह गोलेकर यांची निवड ही रयत शिक्षण संस्थेच्या ध्येयधोरणानुसार विविध शाखांच्या विकासासाठी महत्त्वपूर्ण आहे. त्यांनी संस्थेप्रती निष्ठेने काम करून वेळोवेळी सक्रिय सहकार्य व मार्गदर्शन दिले आहे. येथून पुढेही त्यांचे सहकार्य मिळावे ही नम्र विनंती करण्यात आली आहे.
विजयसिंह गोलेकर यांच्या निवडीमुळे रयत शिक्षण संस्थेच्या कार्यात नवीन ऊर्जा व उत्साहाची भर पडण्याची अपेक्षा असून त्यांच्या अनुभवाचा वापर करून संस्था विविध शैक्षणिक विकासाच्या प्रकल्पांना गती देऊ शकेल. यामुळे संस्थेची प्रतिष्ठा आणि कार्यक्षमता वाढण्याची शक्यता आहे.
विजयसिंह गोलेकर यांची उत्तर विभागातील सल्लागार मंडळात निवड झाल्याने त्यांच्यावर सर्वच स्थरावरून अभिनंदनाचा वर्षाव होत आहे .तसेच या निवडीमुळे खर्डा येथील सराफ असोसिएशनचे अध्यक्ष अवि शहा व उपाध्यक्ष सचिन लोळगे यांनी विजयसिंह गोलेकर यांचा सन्मान केला आहे.
कोणत्याही टिप्पण्‍या नाहीत:
टिप्पणी पोस्ट करा