खर्डा येथे श्री संत गजानन महाविद्यालयात ग्रीन क्लब व भूगोल विभागाच्या वतीने जागतिक जल दिन साजरा

पोलीस वारंट न्यूज नेटवर्क-२३ मार्च

खर्डा येथील श्री संत गजानन महाविद्यालयातील ग्रीन क्लब व भूगोल विभागाच्या वतीने 22 मार्च हा जागतिक जल दिन मोठ्या उत्साहात साजरा करण्यात आला. 

या निमित्ताने  विद्यार्थ्यांमध्ये जल सुरक्षा व जलजागृती निर्माण करण्याच्या दृष्टिकोनातून भित्तिपत्रकांची स्पर्धा, विशेष व्याख्यान आयोजित करण्यात आले होते. या विविध उपक्रमाचे उद्घाटन, कृषी पदवीधर संघटनेचे पदाधिकारी, महाविद्यालय विकास समितीचे अध्यक्ष तथा राष्ट्रवादी काँग्रेस पक्ष शरदचंद्र पवार गटाचे जामखेड तालुकाध्यक्ष, मा.पंचायत समिती सदस्य विजयसिंह गोलेकर यांच्या हस्ते करण्यात आले. 

यावेळी प्रमुख पाहुणे म्हणून लोकमतचे पत्रकार संतोष थोरात, सचिन लोळगे उपस्थित होते. कार्यक्रमाच्या अध्यक्षस्थानी महाविद्यालयाचे प्राचार्य डॉ. चंद्रसेन आवारे सर होते. 

यावेळी बोलताना विजयसिंह गोलेकर म्हणाले की,दुष्काळावर मात करण्यासाठी आपल्या घरातून पाणी बचतीसाठी युवकांनी सज्ज व्हावे असे आवाहन केले तर महाविद्यालयाच्या प्राचार्य आवारे सरांनी विद्यार्थ्यांना पाणी बचतीचा कानमंत्र दिला. कार्यक्रमाचे आयोजन ग्रीन क्लबचे समन्वयक भूगोल विभाग प्रमुख डॉ. शिवानंद जाधव यांनी केले तर सूत्रसंचालन प्रा.सतीश शिंदे तर आभार प्रा. नकुल खवले यांनी मानले. यावेळी महाविद्यालयातील विविध विभाग प्रमुख प्राध्यापक व विद्यार्थी मोठ्या संख्येने उपस्थित होते.