पोलीस वारंट न्यूज नेटवर्क/२३जानेवारी२०२५
दुबई येथील बुर्ज खलिफा व अनेक इमारती तयार करताना वापरण्यात आलेली टेक्नोलॉजीचा अभ्यास करून त्याचा उपयोग जामखेड येथील इंजिनिअरिंग कॉलेजच्या विद्यार्थ्यांना व्हावा तसेच दुबईतील वाढलेले पर्यटन व पाण्याचे व्यवस्थापन याबाबत माहिती घेऊन त्याची माहिती विद्यार्थ्यांना देऊन तेथे नौकरी उपलब्ध व्हावे यादृष्टीने पाच दिवसाच्या दौऱ्यासाठी जामखेड इंजिनिअरिंग कॉलेजचे प्राचार्य विकी घायतडक बुधवारी मुंबई येथून दुबईला रवाना झाले आहेत. जामखेड येथील दि पिपल्स एज्युकेशन सोसायटीचे डिप्लोमा कॉलेज ऑफ इंजीनियरिंग अॅण्ड टेक्नॉलॉजी येथील प्राचार्य विकी घायतडक बुधवारी दुबई दौऱ्यासाठी रवाना झाले यावेळी पत्रकारांशी संवाद साधताना प्राचार्य घायतडक म्हणाले, दुबई येथे अतिअल्पवृष्टी होत असून देखील तेथील अर्थव्यवस्था मजबूत आहे. त्या तुलनेत भारतात भरपूर पाऊस पडतो. दुबईत सर्वत्र तेलसाठे असून पिण्याचे पाणी व इतर वापरासाठी तयार केले जाणारे पाणी व बुर्ज खलिफा तसेच अनेक इमारती सिव्हिल इंजिनीअरिंग साठी अत्यंत महत्वाचे आहे. सिव्हिल इंजिनीअरिंग तसेच इलेक्ट्रिकल इंजिनीअरिंग साठी विद्यार्थ्यांना नोकरी साठी खूप महत्वाचे आहे. तेथील कर प्रणाली अल्प असल्याने इम्पोर्ट तसेच एक्स्पोर्ट साठी खूप मोठया संधी आहेत. याचा फायदा जामखेड येथील विद्यार्थ्यांना होईल. असे प्रा. विकी घायतडक यांनी सांगितले. त्याचबरोबर यूएई, दुबई येथील पर्यटन अतिशय सुंदर तसेच तांत्रिक दृष्टया महत्वाचे आहे. जगातील सर्वात उंच इमारत बुर्ज खलिफा दुबईची शान आहे. दुबईला जाणारे पर्यटक सर्वप्रथम याच ठिकाणी येतात. दुबईत अल कुदरा सर्वात सुंदर असे सरोवर आहे. स्थानिकांसह पर्यटकांचेही ते आवडते पिकनिक स्पॉट आहे. प्राचार्य विकी घायतडक यांच्या समवेत राजेंद्र ज्योतीराम फुले तंत्रनिकेतन, मिरजगांवचे प्राचार्य महेश झगडे उपस्थित आहेत.तसेच दुबई येथील भारतीय दुतावास यांच्याशी सम्पर्क साधून प्रजासत्ताक दिन व संविधान मोहत्सव साजरा करण्यासंदर्भात चर्चा झाली आहे. दुबईचे सौंदर्य आणि येथील गगनभेदी इमारती पर्यटकांना येथे येण्यासाठी विवश करतात. दुबई अतिशय महागडे शहर म्हणून ओळखले जाते असे प्राचार्य घायतडक म्हणाले.
कोणत्याही टिप्पण्‍या नाहीत:
टिप्पणी पोस्ट करा