इन्स्पायर अबॅकस अँड वैदिक मॅथ अकॅडमी पुणे अंतर्गत घेण्यात आलेल्या अबॅकस स्पर्धेत कर्जत शहरातील सहा विद्यार्थ्यांनी क्रमांक पटकावला. या यशाबद्दल सर्व विद्यार्थ्यांचे कौतुक होत आहे. दादासाहेब शेळके व अर्चना शेळके संचलित इन्स्पायर अबॅकस अँड वैदिक मॅथ अकॅडमी पुणे मार्फत या स्पर्धा सुखकर्ता लॉन्स, कल्याण रोड, बायपास, अहिल्यानगर येथे रविवार दि.19 जानेवारी 2025 रोजी घेण्यात आल्या.
यामध्ये ऋषिकेश धस, देवांग देशमुख, वेदांत मडके, दिव्या देशमुख, वृशांक हरिभक्त, वेदांत महानवर या सहा विद्यार्थ्यांनी क्रमांक पटकाविला.या विद्यार्थ्यांचा महाराष्ट्र राज्याचे माजी शिक्षण संचालक दिनकर टेमकर,रयत शिक्षण संस्थेचे जनरल बॉडी सदस्य ज्ञानेश्वर पांडुळे, डाक अधिकारी अमित देशमुख, अधीक्षक शिक्षण विभाग (माध्य.) जि.प. अहिल्यानगर महावीर धोदाड, टपाल संघटनेचे राज्य कार्याध्यक्ष संतोष यादव, ज्ञानरचना ट्रस्टचे सचिव कमलेश मिरगणे आदी मान्यवरांच्या हस्ते गौरविण्यात आलेहे सहाही विद्यार्थी गदादेनगर कर्जत येथील देशमुख अबॅकस क्लासचे विद्यार्थी असून, या विद्यार्थ्यांना कीर्ती देशमुख यांचे मार्गदर्शन लाभले.
याशिवाय अर्णव फरांडे,आरोही चंदन, जिया पठाण, विराज जगदाळे, शौर्य माळशिकारे आदी विद्यार्थ्यांनी या स्पर्धेत चमकदार कामगिरी केली. अबॅकस शिक्षिका कीर्ती देशमुख यांना आदर्श अबॅकस शिक्षिका म्हणून यावेळी मान्यवरांच्या हस्ते गौरविण्यात आले. त्यांचे देखील सर्व स्तरातून कौतुक होत आहे.
No comments:
Post a Comment