पोलीस वारंट न्यूज नेटवर्क-१० ऑक्टोबर
जामखेड तालुक्यात एका महिलेच्या खुनाची धक्कादायक घटना घडली असून पत्नीने घरात किराणा आणण्यासाठी पतीच्या खिशातील चारशे रुपये काढण्याच्या कारणावरून पतीपत्नीत झालेल्या झटापटीत पत्नीने पतीच्या तोंडावर चापट मारल्याचा राग येऊन दिराने भावजयीला लाकडी ढपलीने जबर मारहाण केल्याने त्या मारहाणीत ती मृत्यूमुखी पडल्याच्या कारणावरून मयत महिलेचा दिर व पतीवर खुनाचा गुन्हा दाखल करण्यात आला असून दोन्ही आरोपींना अटक करण्यात आली आहे.
सविस्तर असे की, जामखेड तालुक्यातील साकत येथील या घटनेतील मयत भाऊजय सिमा बाळू घोडेस्वार (वय ३५) ही
घरातील किराणा संपला म्हणून तो आणण्यासाठी पैसे नसल्याने आपल्या मुलीला सोबत घेत पती बाळू अरूण घोडेस्वार हा बसलेल्या ठिकाणी जाऊन त्याच्या खिशातून चारशे रुपये काढून घेतले. यावेळी पती-पत्नीत झटापट झाली व पतीने शिवीगाळ व मारहाण केली तेंव्हा मयत सीमानेही पतीच्या तोंडात चापट मारली. याचा राग मनात धरून दिराने घरी येत भावजईला शिवीगाळ करत ढपलीने डोक्यावर व पाठीवर मारहाण केली. व तो तिथून निघून गेला. दिराने केलेल्या मारहाणीत मयत सिमा ही गंभीर जखमी झाल्याने शेजाऱ्यांनी तीला जामखेड येथील दवाखान्यात नेले. पण डॉक्टरांनी मृत घोषित केले. या घटनेमुळे परिसरात एकच खळबळ उडाली आहे.
या बाबत मयत सिमा हिचे वडील फिर्यादी राजेंद्र आश्रुबा सरोदे (वय ५९), रा. पारगाव घुमरा ता. पाटोदा जि. बीड यांनी जामखेड पोलीस स्टेशनला दिलेल्या फिर्यादीत म्हटले आहे की, माझी मुलगी सीमा हिचे १५ वर्षांपूर्वी बाळू अरूण घोडेस्वार याच्याशी लग्न झाले होते. बाळू यास दारूचे व्यसन आहे. गेल्या सात आठ वर्षापासून पती बाळू व दिर अतुल हे दोघे सीमास माहेरून पैसे आण म्हणून मानसिक व शारीरिक छळ करत होते. मारहाण करत होते. तसेच अनेक वेळा उपाशी पोटी ठेवत होते. असे ती माहेरी आल्यावर सांगत असायची.
काल दि. ८ रोजी रात्री माझी नात दिक्षा हिचा फोन आला व तीने रडायला सुरूवात केली आणि सांगितले की, अंकलने मम्मीला खुप मारले आहे. ती बेशुद्ध पडली आहे. यामुळे मी व माझा मुलगा तातडीने साकतला आलो. आल्यावर आम्हाला समजले की, सीमाला अंकुश घोडेस्वार व इतर नातेवाईकांनी जामखेडला दवाखान्यात नेले आहे. आम्ही ताबडतोब जामखेड येथील सहारा हाँस्पिटलला आलो. तेव्हा डॉक्टरांनी सांगितले की डोक्याला खुप मार लागला आहे. रक्तस्राव होत आहे पेशन्टला नगरला हलवावे लागेल. आमच्या कडे पैसे नसल्याने आम्ही सरकारी दवाखान्यात आणले तर तेथील डॉक्टरांनी सीमाला मृत घोषित केले. त्यानुसार सीमावर साकत येथे सोमवारी सकाळी अंत्यसंस्कार करण्यात आले. यावरून फिर्यादी राजेंद्र आश्रुबा सरोदे (वय ५९), यांनी दिलेल्या फिर्यादीवरून आरोपी पती बाळू अरूण घोडेस्वार व दिर अतुल अरूण घोडेस्वार यांच्यावर भादवी ३०२ नुसार खुनाचा गुन्हा दाखल करण्यात आला असून दोघांनाही अटक करण्यात आले आहे. या घटनेमुळे साकत परिसरात मोठी खळबळ उडाली आहे.
घटनेची माहिती समजताच जामखेड पोलिस स्टेशनचे कर्तव्यदक्ष पोलीस निरीक्षक महेश पाटील यांच्या मार्गदर्शनाखाली पोलीस उपनिरीक्षक अनिलराव भारती,पोलीस नाईक कोपनर, जितेंद्र सरोदे, पोलीस काॅन्स्टेबल प्रवीण इंगळे, प्रकाश मांडगे, कुलदीप घोळवे, पळसे, देशमाने, नवनाथ शेकडे, या पथकाने काही तासातच तातडीने कारवाई करत आरोपी अतुल अरूण घोडेस्वार व बाळू अरूण घोडेस्वार यांना अटक केली आहे. .
No comments:
Post a Comment