पोलीस वारंट न्युज नेटवर्क : १० सप्टेंबर
जामखेड तालुक्यातील खर्डा पोलीस स्टेशन हद्दीतील खर्डा शहरालगत असलेल्या जातेगांव फाटा या ठिकाणी आज पहाटे
महाराष्ट्र प्राणी संरक्षण व प्राण्यांना निर्दयतेणे वागविण्यास प्रतिबंध कायद्या अंतर्गत मोठी पोलीस कारवाई करण्यात आली असून दोन वाहने व कत्तलीसाठी जाणाऱ्या ३ ते १५ दिवसांचे वय असलेली १०० पेक्षा जास्त लहान मोठ्या जनावरांसह ९ लाख ३८ हजारांचा मुद्देमाल जप्त करण्यात आला असून यातील चारही आरोपींना अटक करण्यात आली आहे. या कारवाईने तालुक्यात मोठी खळबळ उडाली आहे.
आज दि. १० रोजी पहाटे ५:३० वाजताचे सुमारास काही लोक दोन वाहनांमधून बीड जिल्ह्य़ातील खडकत ता. आष्टी येथून उस्मानाबाद येथे ही जनावरांची तस्करी करत होते. त्यांच्यावर मोठी कारवाई करत खर्डा पोलीस स्टेशनचे पोलीस काॅन्स्टेबल शेषराव निवृत्ती म्हस्के यांच्या फिर्यादीवरून मुजीब नजिर कुरेशी (वय ४०) रा.कब्रस्तान, व साजिद सिकंदर शेख (वय ४०) रा.कुरेशी मोहल्ला, खडकत ता.आष्टी जि.बीड, मतिन बाबु बेग (वय ४३) रा.नवि भाजी मंडई, बशीर गंज रोड, बीड व समिर कलिंदर पठाण (वय २८) वर्ष रा.झोपडपट्टी, खडकत ता.आष्टी जि.बीड यांचे विरुद्ध ) गु.रजि.नं व कलम 169/2023 भादवि. कलम 429, 34 सह महाराष्ट्र प्राणी संरक्षण अधि.1995 चे कलम 5(अ), 5(ब) तसेच प्राण्यांना निर्दयतेणे वागविण्यास प्रतिबंध कायदा 1960 चे कलम 3 व 11 प्रमाणे गुन्हा दाखल करण्यात आला असून पुढील तपास करीत खर्डा पोलीस स्टेशनचे सहाय्यक पोलीस निरीक्षक महेश जानकर यांच्या मार्गदर्शनाखाली पोलीस नाईक एस. व्ही. शेंडे हे करत आहेत.
यावेळी जप्त करण्यात आलेला मुद्देमाल
एक आयशर कंपनिचा टेम्पो MH-16-CC-1421 (किं. ४,५०,००० रूपये), व पांढऱ्या रंगाचे पिकअप क्र. MH-23-AU-9825 (किंमत २,५०,०००), एच. एफ. क्राँस जातीचे जर्शी गाईचे लहान नर काळ्या-पांढऱ्या व तांबड्या रंगाची वासरे एकुण ३१ अशी प्रत्येकी किंमत २००० रूपये असे (अंदाजे वय ३ ते १५ दिवस) एकुण किंमत ६२,००० रूपये, एच. एफ. क्राँस जातीची एक मोठी जर्शी गाय काळ्या पांढऱ्या रंगाची किंमत २५,०००रू, एच. एफ. क्राँस जातीचे जर्शी गाईचे लहान फिमेल काळ्या-पांढऱ्या रंगाचे एक वासरू किंमत २००० रूपये, एक म्हशीचे लहान रेडकु काळ्या रंगाचे किं. ३०००, एच. एफ. क्राँस जातीचे जर्शी गाईचे लहान नर काळ्या-पांढऱ्या व तांबड्या रंगाची वासरे एकुण ६९ प्रत्येकी किंमत २००० रूपये (अंदाजे वय ३ ते १५ दिवस) एकुण किंमत १,१८,००० रुपये, मोठी जर्शी गाय काळ्या पांढऱ्या रंगाची किंवा. २५,०००, एक म्हशीची कालवड, किं. ३००० रू. तीन मयत वासरे व एक रेडकु असा एकुण ९,३८,००० रूपयांचा मुद्देमाल जप्त करण्यात आला आहे.
जामखेड पोलीस स्टेशन हद्दीतूनही मोठी तस्करी, गुन्हा दाखल
तसेच याच प्रकारची कारवाई जामखेड पोलीस स्टेशन अंतर्गतही करण्यात आली असून जामखेड पोलीस स्टेशनचे पोलीस नाईक
अजय कारभारी साठे यांनी दिलेल्या फिर्यादीत म्हटले आहे की, आज दि.१० रोजी सकाळी ९:२० वाजताचे सुमारास मी पोलीस काॅन्स्टेबल योगेश दळवी असे जामखेड पोलीस स्टेशन येथे हजर असताना सी.आर.ओ अ.नगर यांनी फोन करुन कळविले होते की शिवशकर स्वामी मानद पशु कल्याण अधिकारी यांनी कळविले आहे की एक पांढ-या रंगाचा 407 टॅम्पो नं MH25-P2311 मध्ये गो गोवंश जनावरे कत्तली साठी कुरेशी मोहल्ला जामखेड येथे लावलेला आहे. असा फोन आल्याने सदर माहीती मा.पोनि महेश पाटील सो नेम, जामखेड यांना कळविल्याने त्यानी सदर ठिकाणी जाउन कर्यावाही करा असा तोडी आदेश दिल्याने मी पोकों/ दळवी असे आम्ही दोघे मो.सा वर कुरेशी मोहल्ला जामखेड येथे जाऊन पहानी केली असता इनामी जागा कुरेशी कुरेशी मोहल्ला सदाफुले वस्ती जामखेड येथे एक पांढ-या रंगाचा 407 टॅम्पो नं MH25-P 2311 विना चालकाचा बेवारस दिसला त्यामध्ये आम्ही पाहीले असता गाया दिसुन आल्याने सदर टॅम्पो आम्ही जामखेड पोलिस स्टेशन येथे घेवुन आलो. आम्ही दोन लायक पंचाना फोन करुन त्यानां पोलिस स्टेशन येथे बोलावुन घेवुन त्यांना बातमीतील- हकिकत समजावुन सांगुन कारवाई करणे आहे कळवुन टॅम्पोची मागील ताडपत्री वर करुन त्यामध्ये पाहणी केली असता त्यामध्ये खालील वर्णनाचा गाई व वासरे मिळुन आले त्याचे वर्णन खालील प्रमाणे.... 1)11,000/- रु किमताचे दोन दिवस ते आठ दिवसाचे नर जातीचे जर्शी गाईचे काळे पांढरे, तांबडे पांढरे, तांबडे रंगाचे 22 वासरे कि.अ.
2130,000/- रू किमतीचे तीन काळ्या पांढ-या रंगाच्या मोठ्या जर्सी गाई कि अं 3)1000/- कि. मी चे दोन लहान वासरे मयत स्थिती मध्ये असलेली. 4)100000/- रु कि मी चा पांढ-या रंगाचा 407 मँडेलचा टॅम्पो क्र. MH-25 P-2311 जु.वा. कि. अं
1,42,000/- असा मुद्देमाल जप्त करण्यात आला आहे.
तरी येणे प्रमाणे वरील किमतीच्या मोठ्या गाई व लहान नर जातीचे वासरे कोणीतरी अज्ञात चालकाने पांढ-या रंगाचा 407 टॅम्पो नं MH25-P 2311 मध्ये भरुन त्याची निर्दयीपणे वाहतुक करताना व वाहतुक करत असताना टैम्पो मध्ये दोन लहान वासरे मयत झाली आहे. म्हणुन माझी पांढ-या रंगाचा 407 टैम्पो नं MH25-P 2311 अज्ञात चालका विरुध्द फिर्याद दिली आहे. त्यानुसार आरोपींविरुद्ध गुन्हा दाखल करण्यात आला आहे. सदर घटनेचा तपासही जामखेड पोलीस स्टेशनचे कर्तव्यदक्ष पोलीस निरीक्षक महेश पाटील यांच्या मार्गदर्शनाखाली पोलीस काॅन्स्टेबल संभाजी शेंडे हे करत आहेत.
चौकट..
याबाबत गोरक्षक पांडुरंग मधुकर भोसले यांनी जामखेड व खर्डा पोलीसांना दिलेल्या बातमीवरून खात्री झाल्याने खर्डा पोलीसांच्या गस्ती पथकाने ही कारवाई केली आहे.
यावेळी श्री शिवप्रतिष्ठानचे तालुका प्रमुख पांडुराजे मधुकर भोसलेंसह गोरक्षक योगेश सुरवसे, बबलु गोलेकर गणेश ढगे, बबलु निकम, तसेच मानद पशु कल्याणचे शिवशंकर स्वामी व त्यांचें सहकारी व श्री शिवप्रतिष्ठानचे धारकरी मोठ्या संख्येने उपस्थित होते.
सदर ताब्यात घेण्यात आलेली जनावरे संगोपनासाठी गोशाळेत रवाना करण्यात आली आहेत.
कोणत्याही टिप्पण्‍या नाहीत:
टिप्पणी पोस्ट करा