अहिल्यानगर (दि. ११ सप्टेंबर) –
आहिल्यानगरमधिल शेंडी बायपास परिसरात ट्रकचालकांकडून अवैधरित्या पैसे गोळा करणाऱ्या प्रकरणाचा व्हिडीओ समाज माध्यमांवर व्हायरल झाल्यानंतर पोलीस प्रशासनाने कार्यवाही करत संबंधित पोलीस शिपाई विकास दळवी यांना तात्काळ निलंबित केले आहे.
दि.९ सप्टेंबर रोजी व्हायरल झालेल्या व्हिडीओमध्ये एका व्यक्तीस ट्रकचालकाकडून पैसे स्वीकारताना दिसत होते. चौकशीनंतर ही घटना ८ सप्टेंबर रोजी रात्री १० ते ११ दरम्यान घडल्याचे उघड झाले. चौकशीदरम्यान संबंधित व्यक्ती हा होमगार्ड बाळू जाधव असून, त्याने कबुली दिली की एमआयडीसी पोलीस ठाण्यातील शिपाई विकास दळवी यांच्या सांगण्यावरुनच पैसे घेतले होते.
या गंभीर प्रकारात पोलीस शिपाई दळवी यांच्यावर निलंबनाची कारवाई करण्यात आली आहे. यापूर्वीही त्यांच्या विरोधात अशा प्रकारच्या काही तक्रारी प्राप्त झालेल्या असल्याचे पोलिसांनी नमूद केले आहे. प्राथमिक चौकशी आदेशित करण्यात आली असून होमगार्ड जाधव यांचा कसुरी अहवाल पुढील कार्यवाहीसाठी समादेशक, गृह रक्षक दल तसेच अपर पोलीस अधीक्षक, अहिल्यानगर यांचेकडे पाठविण्यात आला आहे.
कोणत्याही टिप्पण्‍या नाहीत:
टिप्पणी पोस्ट करा