सोलापूर जिल्ह्यात सलग दोन दिवसांत घडलेल्या धक्कादायक घटनांनी संपूर्ण राज्याचे लक्ष वेधले आहे. वैरागमध्ये माजी उपसरपंचाने नर्तिकेच्या प्रेमात आत्महत्या केल्याची घटना ताजी असतानाच, आता माढा तालुक्यातील वेणेगाव येथे जय मल्हार कलाकेंद्रासमोर थेट गोळीबाराची घटना घडली आहे.
मिळालेल्या माहितीनुसार, कलाकेंद्रात एकाच बारीवर बसण्यावरून दोन गटांमध्ये वाद झाला. हा वाद चिघळताच भांडण झाले आणि त्यातून एका तरुणाने पिस्तुलातून गोळीबार केला. या घटनेत देवा बाळु कोठावळे (रा. वाखरी, पंढरपूरजवळ) गंभीर जखमी झाला असून त्याला पायाला गोळी लागली आहे.
घटनेनंतर टेभुर्णी पोलिसांनी तातडीने पिस्तुल जप्त केले. सुरज पवारसह अन्य तिघांवर गुन्हा नोंदविण्यात आला असून आरोपींना ताब्यात घेऊन कसून चौकशी सुरू आहे. मात्र, नेमका गोळीबार कोणी केला हे पोलिसांनी अद्याप जाहीर केलेले नाही.
सलग दोन दिवसांत वैराग आणि वेणेगाव येथे झालेल्या धक्कादायक घटनांमुळे सोलापूर जिल्ह्यात भीतीचे वातारवण निर्माण झाले असून ही गुन्हेगारीची धोक्याची घंटा ठरत असल्याची चर्चा सुरू आहे.
शुक्रवार, १२ सप्टेंबर, २०२५
याची सदस्यत्व घ्या:
टिप्पणी पोस्ट करा (Atom)
कोणत्याही टिप्पण्या नाहीत:
टिप्पणी पोस्ट करा