पोलीस वारंट न्यूज नेटवर्क-१ मार्च
जामखेड तालुक्यातील सर्व डाक कर्मचाऱ्यांचा मेळावा रत्नदीप आयुर्वेदिक मेडिकल कॉलेज जामखेड या ठिकाणी नुकताच संपन्न झाला.या मेळाव्यास अहमदनगर डाक विभागाचे प्रवर अधीक्षक बी.नंदा तसेच कर्जत डाक उपविभागाचे उपविभागीय अधिकारी अमित देशमुख उपस्थित होते.
या मेळाव्यामध्ये प्रधानमंत्री सौरघर - मोफत वीज योजना व डाक विभागाच्या विविध योजना याबद्दल समाजामध्ये जनजागृती व्हावी, टपाल विभागातील विविध योजनांची उद्दिष्ट पूर्ती व्हावी या उद्देशाने हा मेळावा घेण्यात आला.
यावेळी गणेश हजारे नान्नज यांची पदोन्नती झाल्याबद्दल मान्यवरांच्या हस्ते त्यांचा सन्मान करण्यात आला.
कार्यक्रमाचे सूत्रसंचालन गणेश जगताप यांनी केले. आभार गोरख राजगुरू यांनी मानले.
यावेळी डाक विभागाचे शिवाजी लांडे, जामखेडचे पोस्टमास्तर अविनाश ओतारी, बळी जायभाय, मोहन पंडित, संघटनेचे अध्यक्ष लक्ष्मण बर्डे, सूर्यकांत शिंदे, छगन ढवळे, धनराज राजे भोसले, जगन्नाथ हंबीरराव, सारिका मराठे, विद्या सानप, वैष्णवी बहिर आदी टपाल कर्मचारी उपस्थित होते.
No comments:
Post a Comment