खर्डा येथे परप्रांतीय मजूराचा अज्ञात वाहनाने केल्याला अपघातात मृत्यू

पोलीस वारंट न्यूज नेटवर्क/२३ऑगस्ट

जामखेड तालुक्यातील खर्डा येथील खर्डा इंग्लिश स्कुलच्या  समोरील डांबरी रोडवर दि. २२ ऑगस्ट रोजी रात्री ९: ३० वाजताचे सुमारास कोणत्यातरी अज्ञात वाहनाने झालेल्या अपघातात उत्तरप्रदेशातील आमघाट येथून मजूर म्हणून कामाला आलेल्या  चव्हाण (पुर्ण नाव माहीत नाही) याचा मृत्यू झाला आहे.

 याबाबत खबर देणारे संजय रंगनाथ उबाळे (वय ४४)  धंदा कॉन्ट्रॅक्टर रा. बांधखड़क ता. जामखेड यांनी खबर दिली की, मोती चव्हाण (पुर्ण नाव माहीत नाही) रा. आमघाट ता. चौरीचौरा जि. गोरखपुर ( उत्तरप्रदेश) याचा खर्डा इंग्लिश स्कुलच्या समोरील डांबरी रोडवर खर्डा ता. जामखेड जि. अहमदनगर येथे अपघात होवुन त्यास औषधोपचाराकामी जामखेड येथील ग्रामीण रूग्णालयात दाखल केले असता तेथील डॉक्टरानी त्यास तपासुन मयत घोषीत केले आहे. वगैरे मजकूराच्या खबरीवरून र.जि.नंबर 18/2024 भारतीय नागरिक सुरक्षा संहिता कलम 194 प्रमाणे अकस्मात मृत्यू दाखल करण्यात आला असुन पुढील तपास खर्डा पोलीस स्टेशनचे सहाय्यक पोलीस निरीक्षक विजय झंजाड यांच्या मार्गदर्शानाखाली पोलीस नाईक एस. व्ही. शेंडे हे करत आहेत.