पोलीस वारंट न्यूज नेटवर्क/११डिसेंबर
गेल्या काही दिवसापासून जामखेड तालुक्यात बिबट्याचे दर्शन होत आहे. त्यातील साकत घाटात व मोहा या ठिकाणी बिबट्याचा वावर दिसून येत आहे. तसेच सोमवार दि.०९/१२/२०२४ रोजी रात्री भुतवडा तलावाजवळ एका गाईचे भक्षण केले असा प्रकार घडला त्यामुळे जामखेड तालुक्यात भितीचे वातावरण निर्माण झाले आहे. जामखेड तालुका हा ज्वारी पिकासाठी प्रसिद्ध आहे. त्यामुळे ज्वारी पीक हे सर्वत्र आहे. शेतकऱ्यांना ज्वारी पीकाला पाणी सोडण्यासाठी रात्रीचे जावे लागते. त्यामुळे जामखेड तालुक्यातील वाड्या-वस्त्यावरील गाव व परिसरातील वीज पुरवठ्याच्या वेळेत बदल करून दिवसा विद्युत पुरवठा करावा जेणे करून शेतकऱ्यांच्या जीवाची हानी होणार नाही असेही हमी भाव नसल्याने शेतक-यांच्या कष्टांचा खेळ होत आहे निदान त्यांच्या जीवांचा खेळ होवू नये याची दखल प्रशासनाने घ्यावी, व तातडीने संबंधित वनविभाग व इतर विभागांना पाचारन करून या बिबट्यांचा बंदोबस्त करावा. अश्या मागणीचे निवेदन सामाजिक कार्यकर्ते स्वप्नील खाडे यांनी जामखेड तहसीलदार यांना निवेदन देऊन मागणी केली आहे.
कोणत्याही टिप्पण्‍या नाहीत:
टिप्पणी पोस्ट करा