खर्डा प्रतिनिधी : ३१डिसेंबर
डाक कर्मचारी हे आदर्श कर्मचारी आहेत. संपूर्ण गावाचा विश्वास डाक कर्मचाऱ्यांवर असतो. याच गोष्टीचा उपयोग करून कर्मचाऱ्यांनी त्यांना चांगली सेवा द्यावी असे आवाहन
इंडिया पोस्ट पेमेंट्स बँकचे पुणे व गोवा क्षेत्राचे प्रमुख रोहितकुमार बर्णवाल यांनी केले. तसेच यावेळी त्यांनी बँकेच्या विविध नवीन योजना कर्मचाऱ्यांना समजावून सांगितल्या.
नुकत्याच जामखेड येथे पार पडलेल्या मेळाव्यानंतर तालुक्यातील खर्डा येथेही डाक कर्मचाऱ्यांचा मेळावा पार पडला यावेळी इंडिया पोस्ट पेमेंट्स बँकचे पुणे व गोवा क्षेत्राचे प्रमुख रोहितकुमार बर्णवाल हे प्रमुख पाहुणे मार्गदर्शक म्हणून उपस्थित होते. तसेच अहमदनगर येथील इंडिया पोस्ट पेमेटस् बँकेचे वरिष्ठ प्रबंधक अमोल भूमकर, कर्जत उपविभागाचे, उपविभागीय डाक निरिक्षक अमित देशमुख, पोस्टमास्तर महेश दांगट, सुनिल धस, श्रीराम शिंदे, भरत दाताळ, ऊत्तरेश्वर मिसाळ, एकनाथ गायकवाड, प्रशांत बोबडे, एकनाथ तांबे, लक्ष्मण बर्डे आदि उपस्थित होते.
यावेळी सुत्रसंचालन सुरज वादवणे यांनी, तर आभार गोरख राजगुरू यांनी मानले. सेवा निवृत्त अधिकारी कृषी विभाग सुरेश गोलेकर यांचे यासाठी सहकार्य लाभले.
यावेळी जामखेड तालुक्यातील अनेक डाक कर्मचारी उपस्थित होते
No comments:
Post a Comment