जामखेड प्रतिनधी-२ जानेवारी
कर्जत-जामखेड मतदारसंघातील भाजपा कार्यकर्त्यांकडून आमदार राम शिंदे यांच्या वाढदिवसाचे औचित्य साधत मतदारसंघातील विविध गावांमध्ये सामाजिक उपक्रम राबवत आ.राम शिंदे यांचा वाढदिवस मोठ्या धुमधडाक्यात साजरा करण्यात आला. भाजपा कार्यकर्त्यांनी राबवलेल्या सामाजिक उपक्रमामुळे मतदारसंघातील ३००० विद्यार्थ्यांना वह्या, पॅड आणि शालेय साहित्याचे वाटप करण्यात आले. तसेच १००० हजार गरजू महिलांना साड्यांचे वाटप करण्यात आले.
भाजपा कार्यकर्त्यांकडून कर्जत-जामखेड मतदारसंघात विविध सांस्कृतिक कार्यक्रम आणि सामाजिक उपक्रमांचे गेल्या ३,४ दिवसांपासून मतदारसंघात आयोजन करण्यात आले. नववर्षाच्या पुर्वसंध्येपासूनच आ. राम शिंदे यांचा वाढदिवस मतदारसंघात मोठ्या धुमधडाक्यात साजरा करण्यास सुरुवात झाली. मतदारसंघातील विविध गावांमध्ये आ. राम शिंदे यांच्या स्वागतासाठी भाजपा कार्यकर्त्यांसह सामान्य जनता एकवटल्याचे चित्र गेल्या चार दिवसांपासून निर्माण झाले आहे. आमदार राम शिंदे यांच्या झंझावाती दौर्‍याने गावोगावच्या कार्यकर्त्यांमध्ये जोश संचारला आहे.
आ. राम शिंदे यांच्या वाढदिवसानिमित्त कर्जत-जामखेड मतदारसंघात भाजपा कार्यकर्त्यांकडून शालेय विद्यार्थ्यांना मदतीचा हात देण्यात आला. कार्यकर्त्यांकडून शालेय विद्यार्थ्यांना वह्या,पॅड, शैक्षणिक साहित्य, तसेच एक हजार महिलांना साड्यांचे वाटप करण्यात आले. तसेच ५०० गरजू कुटुंबांना किराणा साहित्य वाटप करण्यात आले. तसेच ५०० गरजूंना ब्लँकेटचे वाटप करण्यात आले होते.
आ. राम शिंदे यांच्या वाढदिवसानिमित्त भाजपा कार्यकर्त्यांनी मतदारसंघातील विद्यार्थी आणि गरजूंना मदतीचा हात देत सामाजिक दायित्वाचा अनोखा संदेश दिला.आ. राम शिंदेंच्या वाढदिवसानिमित्त मतदारसंघात उत्साहाचे वातावरण निर्माण झाले आहे. कर्जत-जामखेड मतदारसंघात भाजपा कार्यकर्त्यांकडून घेण्यात आलेले सर्व सामाजिक उपक्रम स्व खर्चातून राबविण्यात आले होते. गावोगावी कार्यकर्ते विविध उपक्रम घेत असल्याचे दिसून आले.
No comments:
Post a Comment