पोलीस वारंट न्यूज नेटवर्क 23 ऑगस्ट
जामखेडचे ग्रामदैवत नागेश्वर यात्रेनिमित्त सालाबाद प्रमाणे याही वर्ष जामखेडकरांनी कुस्त्यांचा थरार अनुभवला. या आखाडय़ात झालेल्या दैदिप्यमान अश्या कुस्त्या जामखेडकरांनी पाहिल्या. यावेळी प्रथम क्रमांकांची कुस्ती समीर शेख सोलापूर विरूद्ध युवराज चव्हाण नगर यांच्यात झालेल्या थरारक सामन्यात समीर शेख विजयी झाला.
तर सौरभ गाडे विरूद्ध अविनाश शेटे (अविनाश शेटे विजयी), विशाल माने सांगली विरूद्ध विजय पवार पुणे ही कुस्ती बरोबरीत सोडण्यात आली. एक नंबर कुस्तीतील विजयी मल्ल समीर शेख ला आ. राम शिंदे यांच्या हस्ते बक्षिस देऊन सन्मानित करण्यात आले.
जामखेडचे ग्रामदैवत नागेश्वर यात्रेनिमित्त सालाबाद प्रमाणे या वर्षीह कै. विष्णू उस्ताद काशीद बाबा यांच्या स्मरणार्थ भव्य निकाली कुस्त्यांचे मैदान आयोजक तथा भाजपा तालुकाध्यक्ष अजय काशीद यांच्या वतीने जामखेड शहरातील ल. ना. होशिंग विद्यालय येथे काल दि. ऑगस्ट रोजी करण्यात आले होते. जामखेड ची नागपंचमी महाराष्ट्रात वेगळ्या अर्थाने परिचित होती परंतु गेल्या अनेक वर्षंपासून कै. विष्णू काशीद बाबा यांच्या समरणार्थ उप महाराष्ट्र केसरी बबन काशीद, मराठा गौरव युवराज काशीद यांच्या मार्गदर्शनाखाली भाजपा तालुकाध्यक्ष अजय काशीद यांनी ही जुनी ओळख पुसून कुस्तीच्या माध्यमातून एक नवी ओळख महाराष्ट्राला करून दिली
महाराष्ट्र तसेच महाराष्ट्र च्या बाहेरील पैलवान यांनी या आखाड्यास हजेरी लावली. आखाड्याचे आणखी एक वैशिष्ट्य म्हणजे अनेक महिला कुस्तीगीर यांनी देखील हजेरी लाऊन आखाड्यात एक वेगळी रंगत आणली. अनेक देखण्या कुस्त्या यानिमित जामखेडकरांना पाहायला मिळाल्या. नागपंचमी निमित्त एक वेगळी पर्वणी अनुभवायला मिळाली. दुपारी तीन वाजता सुरू झालेल्या कुस्त्या रात्री ९ वाजेपर्यंत चालू होत्या. विशेष म्हणजे कुस्ती शौकिनांची गर्दी उल्लेखनीय होती. आणखी महत्वाची बाब म्हणजे अनेक महिला भगिनी कुस्ती पाहण्यासाठी मोठ्या संख्येने उपस्थित होत्या.
अजय काशीद मित्र परिवाराच्या वतीने दरवर्षी या कुस्ती मैदानाचे आयोजन करण्यात येते. या बरोबरच सामाजिक बांधिलकी म्हणून अनेक उपक्रम राबवण्यात येतात. यावर्षी अर्जुन पुरस्कार विजेते राहुल आवारे तसेच आशियायी स्पर्धेत सुवर्णपदक मिळवले ले सुजय तनपुरे यांचा सन्मान, मराठी भाषिक संघ अध्यक्ष इंदोर सौ.स्वातीताई काशीद आणि मराठा गौरव युवराज भाऊ काशीद यांनी इंदोर या ठिकाणी ९.५ फुटी जिजामाता प्रतिमा सिंदखेड राजा ते इंदोर पदयात्रा काढून बसवली त्याबद्दल त्यांचाही सत्कार करण्यात आला,लना होशिग शाळेसाठी क्रीडा साहित्य, जिजामाता पुस्तकाच्या सर्व शाळांसाठी तीन हजार प्रती वितरण करण्यात आल्या.
कै. विष्णू उस्ताद काशीद बाबा यांच्या स्मरणार्थ भव्य निकाली कुस्त्यांचे मैदान आयोजक अजय काशीद यांच्या वतीने दरवर्षी जामखेड येथे आयोजित करण्यात येते आणि या माध्यमातून ग्रामीण भागातील खेळाडूंना प्रोसाहन मिळत असते. यामुळे तालुक्यातील सर्व ग्रामस्थांच्या वतीने अजय काशीद यांचे विशेष आभार मानले जात आहेत.
कार्यक्रमासाठी परमपूज्य संत श्री १००८ महामंडलेश्वर दादुजी महाराज शनी पुत्र इंदोर, महादेवा नंद भारती महाराज, प्रेमानंद महाराज, शिवाजी महाराज येवले, अहिल्या देवीचे वंशज दीपक शिंदे, स्वप्नील गौड इंदोर, अक्षय भैय्या, लोकेश वर्मा, सागर धस, डॉ. भगवान मुरूमकर, सोमनाथ पाचर्णे, शरद कार्ले, गौतम उतेकर, आदी जन उपस्थित होते.
कार्यक्रमाचे प्रास्ताविक अजय काशीद यांनी तर आभार नारायण राऊत यांनी मानले.
No comments:
Post a Comment