विद्यार्थ्यांनी भरवला भाजीपाला व खाद्य पदार्थांचा बाजार, जिल्हा परिषद प्राथमिक शाळा खर्डा मुले, मुली व खर्डा उर्दू या शाळांचा संयुक्त उपक्रम

पोलीस वारंट न्यूज नेटवर्क-९ डिसेंबर

खर्डा येथील परिषद प्राथमिक शाळा मुले, मुली व उर्दू या  तिन्ही शाळांनी शनिवार दिनांक ९ डिसेंबर २०२३ रोजी संयुक्त पणे भाजीपाला व खाद्यपदार्थ बाजार भरवला होता. सदर बालआनंद मेळावा व भाजीपाला बाजार उत्सवाचे खर्डा ग्रामपंचायतिच्या सरपंच संजीवनी पाटील  यांच्या हस्ते फीत कापून उदघाटन करण्यात आले. 

यावेळेस प्रमुख पाहुणे म्हणून उपस्थित  गटशिक्षणाधिकारी बाळासाहेब धनवे हे होते.

आजचा अधुनिकतेच्या युगात ग्रामीण भागातील विद्यार्थ्यांना उत्तम व्यावहारिक ज्ञान व्हावे, गणिती क्रिया व व्यावहारिक ज्ञान यांची सांगड घालता यावी, व्यवसायिक ज्ञान व्हावे, विद्यार्थी निर्भीड पणे वावरावा यासाठी सदर उत्सवाचे आयोजन करण्यात आले होते.

   या उत्सवात शाळेतील मुलांनी बनवलेले पर्यावरण, मुलींचे शिक्षण यावरील पोस्टर पाहून सर्व पालक व प्रतिष्ठित नागरिकांनी कौतुक केले

प्रसंगी मुलांचा उत्साह वाढवण्यासाठी माजी उपसरपंच श्रीकांत लोखंडे , खर्डा ग्रामपंचायतचे सदस्य प्रकाश गोलेकर, महालिंग कोरे, व्यवस्थापन समितीचे अध्यक्ष मनोज मिसाळ, शशिकांत गुरसाळे ,शिक्षण विस्तार अधिकारी केशव गायकवाड, केंद्रप्रमुख सुरेश मोहिते, केंद्रप्रमुख नवनाथ बडे ,केंद्रप्रमुख विक्रम बडे, जावळे, चद्रकांत गोलेकर, तुळशीदास गोपाळघरे, डॉ. खोत, प्रवीण कुंभार,   आदी मान्यवरांंसह पालक व ग्रामस्थ बहुसंख्येने उपस्थीत होते. खर्डा मुले, खर्डा मुली, खर्डा उर्दू या तिन्ही शाळेंचे शाळा व्यवस्थापन समिती अध्यक्ष,सदस्य यांनी सुद्धा आवर्जून उपस्थित राहून मुलांचा उत्साह वाढवला.

   सदर कार्यक्रम यशस्वी करण्यासाठी मुख्याध्यापक राम निकम, गिते बाबुराव, सय्यद समीना व शाळेतील शिक्षक चंद्रकांत श्रीहरी साबळे,  रासकर समीना, सय्यद कृतांजली वराडे ,जयश्री पाटील , सुवर्णा माणेकर ,निसार सय्यद सर  मोहळकर दिनकर, संतोष वहिल, ढवळशंख ज्योती रासकर,  श्रीहरी साबळे, रत्नप्रभा शिरसाठ, सय्यद निसार, अमोल गोरे आदी शिक्षक यांनी परिश्रम घेतले.

चौकट

या कार्यक्रमाला नागरिकांनी उस्तृर्फ प्रतिसाद देत या कार्यक्रमांमध्ये ३५० विद्यार्थ्यांनी सहभाग घेतला असून ९६२६० रुपयांची विक्री झाली आहे.