नादच वाईट..हायवेवर ट्रकचालकांची लूटमार करायचे. अन् कला केंद्रात जायचे! त्या सराईत ६ गुन्हेगारांना पोलिसांनी जामखेडच्या कला केंद्रातून जेरबंद केले..!

पोलीस वारंट न्यूज नेटवर्क/१३डिसेंबर२०२४

तालुक्यातील स्वामी चिंचोली येथील पुणे सोलापूर महामार्गावर ट्रक चालकांची लुटमार करणाऱ्या सहा जणांना दौंड पोलिसांनी अत्यंत शिताफीने तपास करत जामखेड येथील कला केंद्रातून उचलून आणले.

7 डिसेंबर 2024 रोजी ची घटना रात्रीच्या साडेअकरा वाजता च्या दरम्यान मालवाहतूक चालक जेजुरी वरून बेंगलोर कडे जात असताना एका बोलेरो जीपने ट्रकचा पाठलाग केला.

एक किलोमीटर पाठलाग करत स्वामी चिंचोली हद्दीतील मल्लिनाथ मठासमोर जीप आडवी लावून ट्रक चालकाला व मालकाला लोखंडी टॉमी व लाथाबुक्क्यांनी मारहाण करत चालकाच्या खिशातील 33 हजारांची रक्कम जबरदस्तीने चोरून नेले व ही बोलेरो जीप राशीन मार्गाकडे निघून गेली.

याचा गुन्हा दाखल होताच दौंड चे पोलीस निरीक्षक गोपाळ पवार यांनी तपास पथकातील सहाय्यक पोलीस निरीक्षक नागनाथ पाटील, फौजदार रुपेश कदम व पोलीस अंमलदारांना आरोपींना शोधण्यासाठी रवाना केले. गोपनीय बातमीदार व तांत्रिक माहितीच्या आधारे संशयित बोलेरो ( MH ४२ AS ६६५८) व संशयित तौफिक रियाज शेख, विक्रम बाळासो माडगे (दोन्ही रा. भिगवण ता. इंदापूर जि. पुणे), 3. शरद अशोक धेंडे,4. हनुमंत रामभाऊ गायकवाड, 5. अमोल गौतम गायकवाड व 6. भिकाजी वाल्मीक धेंडे (वरील चारही रा. जिंती ता. करमाळा जि. सोलापूर) यांना जामखेड येथील कला केंद्र येथून ताब्यात घेतले.

त्यांची कसून चौकशी केली असता त्यांनी गुन्हा केल्याचे निष्पन्न झाले. या गुन्ह्यात वरील आरोपींना अटक करून त्यांना न्यायालयात हजर केले असता न्यायालयाने तीन दिवसांची पोलीस कोठडी सुनावली. गुन्ह्यात वापरलेली बोलेरो गाडी, लोखंडी टॉमी व रोख रक्कम असा ६ लाख १ हजार रुपये किमतीचा मुद्देमाल जप्त केला. या गुन्ह्यात चोरलेउ उर्वरित रकमेबाबत पुढील तपास सहाय्यक निरीक्षक नागनाथ पाटील हे करीत आहेत.

या सहा जणांपैकी तीन जणांवर वेगवेगळे गुन्हे दाखल आहेत. यापैकी तोफिक रियाज शेख याच्यावर भिगवण पोलीस ठाण्यात खुनाच्या प्रयत्नासह व शस्त्राच्या गुण्यासह सात गुन्हे दाखल असून दौंड पोलीस ठाण्यात देखील अनुसूचित जाती जमाती अत्याचार प्रतिबंधक कायद्याच्या गुन्ह्यासह ९ गुन्हे दाखल आहेत. तर त्याचा साथीदार विक्रम बाळासाहेब माडगे याच्यावर भिगवण व करमाळा येथे तीन गुन्हे दाखल आहेत. शरद भेंडे याच्यावर तीन गुन्हे दाखल आहेत यामध्ये एक पोस्को गुन्ह्याचा देखील समावेश आहे.

ही कारवाई पुणे ग्रामीणचे पोलीस अधीक्षक पंकज देशमुख, अप्पर पोलीस अधीक्षक, गणेश बिरादार, उपविभागीय पोलीस अधिकारी बापूराव दडस व दौंड पोलीस स्टेशनचे पोलीस निरीक्षक गोपाळ पवार यांच्या मार्गदर्शनाखाली सहाय्यक पोलीस निरीक्षक नागनाथ पाटील, फौजदार रुपेश कदम, सहाय्यक फौजदार श्रीरंग शिंदे, मलगुंडे, पोलिस हवालदार अतुल पठाण, संजय नगरे, नवनाथ भागवत, अमोल नरोटे, गजानन शिंदे, साळुंखे, मोघे, अंमलदार सागर म्हेत्रे, रमेश कर्चे यांनी केली.