जामखेड प्रतिनधी/१७ मे२०२५
महाराष्ट्र राज्य माध्यमिक व उच्च माध्यमिक परीक्षेत दहावीत शंभर टक्के गुण मिळवून घवघवीत यश संपादन करणाऱ्या जामखेड येथील संस्कृती ज्ञानेश्वर कोळेकर चा सामाजिक कार्यकर्ते निलेश (भाऊ) गायवळ मित्रमंडळाच्या वतीने सत्कार करण्यात आला आहे. तिच्या या यशामुळे ती संपूर्ण राज्यात प्रथम आली आहे. संस्कृती कोळेकर ही जामखेड येथील रहिवासी असून, आष्टी येथील वसुंधरा माध्यमिक विद्यालयातील विद्यार्थिनी आहे. तिच्या या अद्वितीय यशाने तिच्या जामखेड शहरातील सर्व नागरिकांना गर्वाची अनुभूती झाली आहे.
तिच्या या यशामुळे तिचा सत्कार करण्यात आला आहे यावेळी सामाजिक कार्यकर्ते निलेश (भाऊ) गायवळ, राष्ट्रवादी काँग्रेसचे तालुकाध्यक्ष महेश निमोणकर, मनसेचे दादासाहेब सरनोबत, भरत जगदाळे, गणेश काळे, ऋषिकेश गायकवाड आणि ज्ञानेश्वर कोळेकर यांच्या सह अनेक मान्यवर उपस्थित होते. संस्कृती हिला हिंदी विषयात १०० पैकी १००, सायन्स अ‍ॅण्ड टेक्नॉलॉजी १०० पैकी १००, सोशल सायन्स १०० पैकी १००, तर मराठीत १०० पैकी ९०, इंग्लिशमध्ये १०० पैकी ९९, गणितात १०० पैकी ९९ गुण मिळाले आहेत.RuleContext तिने ४९८+२ असे गुण मिळवून संपूर्ण राज्यात प्रथम येण्याचा मान मिळवला आहे.
संस्कृती कोळेकर ही जामखेडच्या प्राथमिक शिक्षक ज्ञानेश्वर कोळेकर यांची कन्या असून, तिच्या या यशाने तिच्या कुटुंब व समाजासाठी एक आदर्श निर्माण केला आहे. सामाजिक कार्यकर्ते निलेश (भाऊ) गायवळ मित्रमंडळाच्या वतीने संस्कृती कोळेकर यांचा सत्कार करण्यात आला, ज्यामुळे तिच्या यशाला आणखी उज्ज्वल झाले.
कोणत्याही टिप्पण्‍या नाहीत:
टिप्पणी पोस्ट करा