जामखेड प्रतिनिधी :१४ आॅक्टोबर
जामखेड शहरातून जाणाऱ्या श्रीगोंदा ते बीड सरहद्दीपर्यंतच्या
N H 548 D या राष्ट्रीय महामार्गाच्या मोजणीचे काम सुरू आहे.
हा राष्ट्रीय महामार्ग जामखेड शहरांतून जात असल्याने लगतच्या काही इमारतींवर अतिक्रमण किंवा अधिग्रहणाचा हातोडा पडणार आहे. त्यामुळे सदर मालमत्ता धारक व्यवसाईकांमध्ये भितीचे वातावरण निर्माण झाले आहे. याच पार्श्वभूमीवर कर्जत जामखेडचे आमदार आ. रोहित पवार यांनी पुढाकार घेऊन, N H 548 D महामार्गालगतचे अतिक्रमण धारक, स्थानिक व्यापारी व राष्ट्रीय महामार्ग विभागाचे यांच्या समवेत अधिकारी यांची बैठक घेऊन जामखेड शहरातील N H 548 D या राष्ट्रीय महामार्गालगतच्या अतिक्रमण धारकांना तात्पुरता दिलासा देत, दिवाळी पर्यत अतिक्रमण जैसे थे ठेवावे असा तोडगा काढला.
जामखेड येथील आमदार कार्यालयात झालेल्या बैठकीसाठी
राष्ट्रवादी काँग्रेसचे प्रदेश सरचिटणीस राजेंद्र कोठारी, कर्जत जामखेड विधानसभा क्षेत्र अध्यक्ष प्रा. मधुकर राळेभात, सुरेश भोसले, तालुका अध्यक्ष दत्तात्रय वारे, सूर्यकांत मोरे, सामाजिक कार्यकर्ते संजय कोठारी, शहराध्यक्ष राजेंद्र गोरे, विकास राळेभात, वैजनाथ पोले, राष्ट्रीय काँग्रेसचे राहुल उगले, रमेश आजबे, उमर कुरेशी, आम आदमी पार्टीचे जिल्हा उपाध्यक्ष संतोष नवलाखा, माजी नगरसेवक मोहन पवार, अमित जाधव, राष्ट्रवादी काँग्रेसचे शहर उपाध्यक्ष प्रा. राहुल आहिरे, प्रविण उगले, महेश राळेभात, विजय जाधव, सचिन शिंदे, अमित गंभीर, सुनिल जगताप, अभय शिंगवी, शरद शिंगवी, आदित्य चंदन, अशोक गिरमे, विनायक राऊत, समीर चंदन, दादा महाडिक, प्रविण बाफना, गौतम बाफना , कुंडल राळेभात, महावीर बाफना, प्रमोद बोगावत आदिंसह शहरातील व्यावसायिक मोठ्या संख्येने उपस्थित होते.
आज दि. १४ आॅक्टोबर रोजी कर्जत-जामखेडचे आ. रोहित पवार यांच्या विशेष प्रयत्नातून या महामार्गाचे काम सु करण्यात आले आहे. या बैठकीत आ. रोहित पवार यांनी अतिक्रमणावर चर्चा करताना पहिल्या टप्यात कोठारी पेट्रोल पंपालगतचे पंचदेवालय मंदीर ते एस. टी. आगारते खर्डा चौक, खर्डा चौक ते बीड रोड कॉर्नर व शेवटी शासकीय दूध केंद्र या दरम्यानच्या रस्त्याच्या दोन्ही बाजूंच्या व्यवसायिकाशी चर्चा झाली, व मालमतांबाबत कमीत-कमी स्वरूपाची कार्यवाही होईल अशी ग्वाही दिली, यात चौपदरी रस्ता मध्यभागी स्ट्रीट लाईट व दुतर्फा नाल्या, सुशोभीकरण खर्डा चौकात छत्रपतींचा पुतळा उभारायचे उद्दिष्ट ठेऊन आपण काम करत आहोत असे आ. रोहित पवार यांनी स्पष्ट केले, तसेच बीड कॉर्नर च्या परिसरात जैन स्तंभ उभा करण्याची इच्छा व्यक्त केली.
दिवाळी पर्यंत रस्त्याच्या संदर्भातील अधिकारी वर्गाने मोजणी करून घ्यावी व दिवाळी नंतरच्या मिटिंग मध्ये ज्यांच्या बांधकामावर गदा येणार आहे. अश्याच व्यापाऱ्यांना व अधिकाऱ्यांना घेऊन, एक स्वतंत्र बैठक घेण्यात येणार आहे असे सुचवले.
रस्ता अतिक्रमण तसेच इतर अडचणी बाबत शहरातील व्यापाऱ्यांनी आप-आपली अडचणी आ. रोहित पवार व संबंधित अधिकाऱ्यांना सांगितल्या.
No comments:
Post a Comment