जामखेड प्रतिनिधी : २ नोव्हेंबर
जामखेड तालुक्यातील हळगाव येथील जय श्रीराम साखर कारखान्या शेजारी असलेल्या शेततळ्यात एक ४०-४५ वर्षीय इसमाचा मृतदेह आढळून आला असून त्याच्याकडे मिळालेल्या
आधारकार्डानुसार जाफर हुसेन सय्यद, रा. इलहबाद, मदारीपुर बरेली ता. इलहबाद (उत्तर प्रदेश) असा त्यांचा परिचय असावा असा अंदाज पोलीस सुत्रांकडून व्यक्त करण्यात आला आहे. यामुळे हाळगाव परिसरात मोठी खळबळ उडाली आहे.
हा मृतदेह हळगाव येथील आप्पा दशरथ ढवळे यांच्या शेतातील शेततळ्यातील पाण्यावर तरंगत असल्याची घटना आज दि. २ नोव्हेंबर रोजी दुपारी ४:०० वाजताचे सुमारास उघडकीस आली आहे.
सदर घटनेची माहिती हाळगाव येथील पोलीस पाटील सुरेश ढवळे यांनी पोलीस स्टेशनला कळवली. घटनेची माहिती मिळताच पोलीस तातडीने घटनास्थळी दाखल झाले. पोलिसांनी रात्री ७:०० वाजेच्या सुमारास मृतदेह तलावातून बाहेर काढण्यात आला.
सदर मृतदेहाच्या अंगात पांढरा शर्ट व निळी जिन्स पँट होती, सदर मृतदेह सडलेल्या अवस्थेत असल्याने त्याचे शवविच्छेदन घटनास्थळीच केले जाणार असल्याची माहिती पोलीसांनी दिली आहे.
सहाय्यक पोलीस निरीक्षक सुनिल बडे, हेड काॅन्स्टेबल संजय लोखंडे, पोलीस नाईक अजय साठे, काॅन्स्टेबल सतिश दळवी, चालक हनुमान आडसूळ, गुन्हा शोध पथकाचे संग्राम जाधव, अरूण पवार यांनी घटनास्थळी दाखल होऊन शेततळ्यातील मृतदेह बाहेर काढला.
या घटनेतील मयत इसमाचा खून झाला की त्याने आत्महत्या केली असा प्रश्न पोलीसांसमोर असून याचा तातडीने तपास करण्यात येणार असल्याची माहिती पोलीस निरीक्षक संभाजी गायकवाड यांनी सांगितले.
No comments:
Post a Comment