जामखेड प्रतिनधी-१४ नोव्हेंबर
जामखेड येथिल तालुका कृषी अधिकारी कार्यालयातील अनुरेखक दिलीप रामचंद्र निमोणकर हे कर्मचारी आपल्या ३८ वर्षांचा कार्यकाळ पूर्ण करून जामखेड येथिल कार्यालयातून दि. ३१ ऑक्टोबर २०२२ सेवा निवृत झाले. सेवानिवृत्तीबद्दल जामखेड येथिल युनिव्हर्सल स्पोर्टस् या स्पोर्टस् साहित्याच्या शोरूममध्ये त्यांचा बीड जिल्हा न्यायालयाचे जिल्हा न्यायाधीश सत्यवान डोके यांच्या हस्ते आज रविवारी सत्कार करण्यात आला.
सेवानिवृत्त कृषी अनुरेखक दिलीप निमोणकर हे लोकमत समाचार तालुका प्रतिनिधी अशोक निमोणकर यांचे ज्येष्ठ बंधू आहेत. युनिव्हर्सल स्पोर्टचे संचालक सुरज निमोणकर यांच्या शोरूममध्ये अयोजीत सत्कार समारंभ कार्यक्रम रवीवारी संपन्न झाला. यावेळी दिवानी न्यायाधिश कनिष्ठ स्तर व प्रथमवर्ग न्याय दंडाधिकारी कृष्णा लटके, मंडल अधिकारी बाळासाहेब लटके, जामखेड पत्रकार संघाचे अध्यक्ष नासीर पठाण, अशोक निमोणकर, नगर व्हिजनचे संपादक संजय वारभोग, जामखेड रोकठोक न्युजचे संपादक अविनाश बोधले, जामखेड न्युजचे संपादक सुदाम वराट यावेळी उपस्थित होते.
जामखेड येथून निवृत्त तालुका कृषी अधिकारी कार्यालयातील अनुरेखक दिलीप रामचंद्र निमोणकर यांनी आपल्या ३८ वर्षांचा कार्यकाळात पुणे, सोलापूर, नगर विभागात मोठे काम केले. मागील फडणवीस सरकारच्या काळात महाराष्ट्रा सरकारने राज्यातील शेतकऱ्यांसाठी राबवलेल्या जलयुक्त शिवार योजनेच्या अंतर्गत जलपरिपुर्तता अहवाल पुर्ण करण्यासाठी केलेल्या कामाबाबत अहमदनगर जिल्ह्य़ात जामखेड तालुक्याचा रिपोर्टींग मध्ये प्रथम क्रमांक आला होता.
अनुरेखक या हुदयाचे जामखेड कार्यालयात दोनच पद होती. याकामात दिलीप निमोणकर यांचा सिंहाचा वाटा होता असे म्हटल्यास वावगे ठरणार.
जामखेड येथिल दैनिक लोकमतचे तालुका प्रतिनिधी अशोक निमोणकर यांचे थोरले बंधू आहेत. आपल्या कृषी क्षेत्रातील ज्ञानाचा सर्वसामान्य शेतकऱ्यांना फायदा व्हावा यासाठी आपल्या स्वतःच्या क्षेत्रात पथदर्शी प्रकल्प म्हणून न्यु शेलार जातीची मोसंबीची २५० झाडे, गोल्डन जातीची सिताफळाची २५० झाडे अडीच वर्षांपूर्वी लावली असून आपल्या निवृत्तीच्या काळात शेतकऱ्यांना मार्गदर्शन करण्याचा त्यांचा संकल्प आहे.
( फोटो - युनिव्हर्सल स्पोर्ट शोरूममध्ये बीड जिल्हा सत्र न्यायाधीश सत्यवान डोके यांच्या हस्ते सेवानिवृत्त कृषी अनुरेखक दिलीप निमोणकर यांचा सत्कार करण्यात आला यावेळी दिवाणी न्यायाधीश कृष्णा लटके व पत्रकार उपस्थित होते)
कोणत्याही टिप्पण्या नाहीत:
टिप्पणी पोस्ट करा