पोलीस वारंट न्युज नेटवर्क : २२ फेब्रुवारी
जामखेड येथील नागेश विद्यालयाचे उपक्रमशील शिक्षक, गुरुकुल प्रमुख, गणित विषयाचे तज्ञ मार्गदर्शक संतोष ससाणे यांना वोडाफोन इंडिया फेलोशिप अवॉर्ड २०२१-२२ जाहीर झाला आहे. यावर्षी एकूण ११० शिक्षकांना हा पुरस्कार जाहीर असून रयत शिक्षण संस्थेतून हा पुरस्कार प्राप्त करणाऱ्या दहा शिक्षकांमध्ये ससाणे एस. आर. यांचा समावेश आहे. या पुरस्कारा अंतर्गत त्यांना १ लाख फेलोशिप मिळाली आहे.
या यशाबद्दल विद्यालयाच्या वतीने त्यांचा यथोचित सत्कार करण्यात आला
यावेळी विद्यालयाचे प्राचार्य प्राचार्य मडके बी. के., उपप्राचार्य तांबे पी. ए., पर्यवेक्षक कोकाटे व्ही. के., सोमीनाथ गर्जे, अशोक सांगळे, संतोष पवार, एनसीसी ऑफिसर मयुर भोसले सर्व शिक्षक वृंद उपस्थित होते.
रयत शिक्षण संस्थेचे जनरल बॉडी सदस्य आ. रोहित पवार, विभागीय अधिकारी तुकाराम कन्हेरकर, शिवाजी तापकीर, काकासाहेब वाळूंजकर, स्थानिक स्कूल कमिटीचे ज्येष्ठ सदस्य हरिभाऊ बेलेकर, राष्ट्रवादी काँग्रेस महाराष्ट्र सरचिटणीस राजेंद्रजी कोठारी, विनायक राऊत, कन्या विद्यालय स्कूल कमिटी अध्यक्ष प्रा. मधुकर राळेभात, सुरेश भोसले, प्रकाश सदाफुले यांनी अभिनंदन केले. संतोष ससाणे सर यांचे सर्व स्तरातून कौतुक होत आहे.
स्थानिक स्कूल कमिटी, शाळा व्यवस्थापन समिती ,विकास समिती , पालक शिक्षक संघ ,सर्व समित्या व सर्व रयत सेवक शिक्षक बंधू व भगिनी यांनी त्यांचे अभिनंदन केले.
No comments:
Post a Comment