पोलीस वारंट न्यूज नेटवर्क- ३ एप्रिल
जामखेड तालुक्यातील खर्डा येथील खर्डा इंग्लिश स्कूल या विद्यालयात इयत्ता ५ वी ते ९ वी मध्ये शिकत असलेल्या विद्यार्थ्यांना बारामती ऍग्रो व कर्जत जामखेड एकात्मिक विकास संस्था यांच्या सहकार्याने ४९४ सायकलींचे वाटप करण्यात आले.
खर्डा पंचक्रोशीतील विविध गाव व वाड्या वस्त्यांवरून महाविद्यालयात आंदाजे ३ कि. मी. पेक्षा जास्त अंतरावरून येणाऱ्या गरजू विद्यार्थ्यांचा प्रवास सुखकर व्हावा व शाळेत येण्या जाण्याचा वेळ वाचावा या उद्देशाने आ. रोहित पवार यांच्या संकल्पनेतून आज दि. ३ एप्रिल रोजी ४९४ विद्यार्थ्यांना सायकलींचे वाटप करण्यात आले.
आ. रोहित पवार यांच्या मार्फत उपलब्ध झालेल्या सायकल वितरण कार्यक्रमासाठी
खर्डा गावाचे सरपंच सरपंच आसाराम गोपाळघरे, राष्ट्रवादी काँग्रेस पार्टीचे जिल्हा संघटक विजयसिंह गोलेकर, उपसरपंच श्रीकांत लोखंडे, ग्रा.सदस्य प्रकाश गोलेकर, महालिंग कोरे, स्कूल कमिटी सदस्य किशोर कांकरिया, अशोक गिते, चंद्रकांत गोलेकर, प्रवीण कुंभार, राजेंद्र गोलेकर, पत्रकार संतोष थोरातसह परिसरातील डॉक्टर, पत्रकार, पालक व विद्यार्थी मोठय़ा संख्येने उपस्थित होते.
या कार्यक्रमाचे प्रास्ताविक मुख्याध्यापक सोमनाथ उगले सूत्रसंचालन फामदे मुक्तेश्वर तर आभार पर्यवेक्षक रमेश पाटील यांनी मानले.
यावेळी विजयसिंह गोलेकर व उपस्थितांनी आमदार रोहित पवार यांचे आभार मानले.
No comments:
Post a Comment