अहिल्यानगर जिल्ह्यातील स्थानिक गुन्हे शाखेने अवैध दारू विक्री व जुगाराच्या अड्ड्यांवर कठोर कारवाई केली आहे. पोलिस अधीक्षक राकेश ओला यांच्या नेतृत्वाखाली या कारवाईत दारू व जुगाराच्या एकूण ११२ अड्ड्यांवर छापे टाकण्यात आले. या कारवाईत ८ लाख २८ हजार रुपयांचा मुद्देमाल जप्त करण्यात आला आहे. ही कारवाई १ ते ७ मे २०२५ या कालावधीमध्ये केली गेली आहे. पोलिस अधिकाऱ्यांच्या मार्गदर्शनाखाली विविध पोलिस स्टेशन हद्दीतील अवैध व्यावसायिकांवर कारवाई करण्यात आली आहे.
सदर कारवाई पोलिस अधीक्षक राकेश ओला यांच्या आदेशानुसार स्थानिक गुन्हे शाखेचे पोलीस निरिक्षक दिनेश आहेर यांनी जिल्ह्यातील अवैध धंद्याचे समूळ उच्चाटण करण्याच्या दृष्टीने कारवाई केली आहे.ही कारवाई १ ते ७ मे २०२५ या कालावधीमध्ये केली गेली असून यामध्ये अवैध दारू विक्री चालणाऱ्या ९५ ठिकाणी छापे टाकून ६ लाख ५० हजार २५५ रुपये किंमतीची देशी, विदेशी दारू जप्त करण्यात आली. तसेच मटका, बिंगो चालणाऱ्या ठिकाणी १७ गुन्हे दाखल करण्यात आले आहेत.
या कारवाईत तोफखाना, एमआयडीसी, नगर तालुका, पारनेर, श्रीगोंदा, शेवगाव, नेवासा, पाथर्डी, श्रीरामपूर शहर, संगमनेर शहर, अकोले, राजूर, शिर्डी या ठिकाणी कारवाई करण्यात आली.सदर कारवाई पोलीस अधीक्षक राकेश ओला, अपर पोलीस अधीक्षक वैभव कलुबर्मे, अपर पोलीस अधीक्षक प्रशांत खैरे यांच्या सुचना व मार्गदर्शनाखाली करण्यात आली आहे.
कोट
या कारवाईत पोलिसांनी महाराष्ट्र दारुबंदी कायद्यानुसार अवैध दारू विक्री चालणाऱ्या ठिकाणी तयार गावठी हातभट्टी व कच्चे रसायन नष्ट केले आहेत. ही कारवाई अवैध धंद्यांना आळा घालण्याच्या उद्देशाने केली गेली असून अशाप्रकारे आहिल्यानगर जिल्ह्यातील जामखेड तालुक्यात देखील कारवाई होणारा?का अशी चर्चा नागरिकांमध्ये सुरू असून अवैध दारू विक्रेत्यांचे धाबे दणाणले आहेत.
कोणत्याही टिप्पण्‍या नाहीत:
टिप्पणी पोस्ट करा