अहिल्यानगर, दि. २ ऑक्टोबर२०२५
अहिल्यानगर जिल्ह्यातील स्थानिक गुन्हे शाखेने धाडसी कारवाई करत विद्युत वितरण कंपनीचे ट्रान्सफॉर्मर उघडून कॉपर चोरी करणाऱ्या आंतरजिल्हा टोळीला जेरबंद केले आहे. या कारवाईत एकूण सहा आरोपींना अटक करण्यात आली असून त्यांच्या ताब्यातून ४ लाख २३ हजार ८०० रुपयांचा मुद्देमाल जप्त करण्यात आला आहे. तर चार आरोपी अजूनही फरार असून त्यांचा शोध पोलिसांनी सुरू केला आहे.याबाबत पोलिसांकडून मिळालेल्या माहितीनुसार.
गुप्त बातमीदारामार्फत पोलिसांना आरोपी मच्छिंद्र रामदास काळे हा आपल्या साथीदारांसह नवसरवाडी गावात असल्याची माहिती मिळाली. त्यानुसार पथकाने तत्काळ कारवाई करत आरोपीच्या घराला वेढा घालून तपास केला असता घरामध्ये एकूण पाच संशयित आरोपी आढळून आले. चौकशीत त्यांनी गुन्ह्याची कबुली दिली.
अटक आरोपी हे –
मच्छिंद्र रामदास काळे (५० वर्षे)सागर मच्छिंद्र काळे (१९ वर्षे)श्याम विष्णू पवार (२६ वर्षे)विष्णू सरदार पवार (६५ वर्षे) – सर्व रा. नवसरवाडी, ता. कर्जतकिशोर खेलू पवार (४५ वर्षे), रा. मार्डी, जि. सोलापूरराजकुमार मधुकर भोपळे, रा. ढोकी, जि. धाराशिवतर आरोपी सचिन पवार, शिवाजी पवार आणि प्रविण उर्फ पवन पवार हे फरार असून त्यांचा शोध सुरू आहे. आरोपी क्रमांक सहावा (भोपळे) हा गुन्ह्यावेळी वापरण्यात आलेल्या वाहनासह पकडला गेला आहे.रेकॉर्डवरील गुन्हेगारया प्रकरणातील आरोपी किशोर पवार हा रेकॉर्डवरील गुन्हेगार असल्याचे तपासात स्पष्ट झाले आहे. त्याच्यावर यापूर्वी सोलापूर आणि धाराशिव जिल्ह्यातील विविध पोलीस ठाण्यांमध्ये घरफोडी व चोरीचे तब्बल १३ गुन्हे नोंद झाले आहेत.
अटक करण्यात आलेल्या आरोपींना कर्जत पोलीस स्टेशन येथे हजर करण्यात आले असून सदर गुन्ह्याचा पुढील तपास कर्जत पोलिसांकडून सुरू आहे. संपूर्ण कारवाई पोलीस अधीक्षक सोमनाथ घार्गे यांच्या मार्गदर्शनाखाली स्थानिक गुन्हे शाखेच्या पथकाने केली.
कोणत्याही टिप्पण्‍या नाहीत:
टिप्पणी पोस्ट करा