महाराष्ट्राचे उपमुख्यमंत्री अजित पवार यांनी जामखेड येथे राष्ट्रवादी काँग्रेस संपर्क कार्यालयाच्या उद्घाटन समारंभात उपस्थितांसमोर आपल्या मनोगताचा प्रवाह सोडला. त्यांनी जामखेड तालुक्यातील विविध प्रश्नांचा उल्लेख करून येथील लोकांसमक्ष त्यांच्या भावना व्यक्त केल्या. रोहित पवार यांच्या मतदारसंघातील विविध प्रश्नांवरून घेतलेल्या टीकेसाठी ते प्रसिद्ध झाले, विशेषत: रस्त्यांच्या दुर्दशेबाबत व पाण्याच्या व्यवस्थेबाबत त्यांनी आग्रह केला. या सर्व प्रश्नांच्या निराकरणासाठी भविष्यात पुढील पावले उचलण्याचे त्यांनी जाहीर केले.
"रोहित पवार आमच्या बरोबर होता त्यावेळी येथील मतदारसंघात मोठ्या प्रमाणावर निधी देण्यात आला, तो आता आमच्या साथीदारांमध्ये नाही. त्यामुळे रस्त्यांचा प्रश्न, एसटी बसस्थानकाचा प्रश्न, पिण्याचे पाणी, शेतीला पाणी अशा प्रश्नांचा सामना येथील लोकांना करावा लागत आहे," अशी कबुली उपमुख्यमंत्री पवार यांनी दिली. ते म्हणाले, "दिंडोरा पिटला गेला होता पण ती औद्योगिक वसाहत झाली नाही. हे सर्व प्रश्न ऐकून घेऊन त्यांना न्याय देण्याची भूमिका पुढील काळात राहणार आहे."
सध्या महाराष्ट्रातील विविध प्रकल्पांवर लक्ष केंद्रित केले आहे असे उपमुख्यमंत्री पवार म्हणाले. "पुढील पन्नास वर्षांच्या कालावधीसाठी कामे करण्याचा निर्णय आम्ही घेतला आहे. पश्चिम महाराष्ट्रातून वाहून जाणारे पाणी दुष्काळी भागात आणण्याचे प्रयत्न सुरू आहेत. शासनाचा पैसा योग्य रीतीने वापरण्याची काळजी घेतली जात आहे," ते म्हणाले. शेतीसाठी आर्टिफिशियल इंटीलीजंटचा वापर करण्यासाठी निधी उपलब्ध करून देण्यात आल्याचे त्यांनी सांगितले.
यावेळी राष्ट्रीय युवक अध्यक्ष धिरज शर्मा, राष्ट्रवादी प्रवक्ते उमेश पाटील, राष्ट्रवादी जिल्हाध्यक्ष अशोक सावंत, उपाध्यक्ष महाराष्ट्र राज्य बास्केटबॉल संघटना सचिन गायवळ, राष्ट्रवादी काँग्रेसचे तालुकाध्यक्ष महेश निमोणकर, जिल्हा परिषदेचे माजी उपाध्यक्ष आण्णासाहेब शेलार, राजेंद्र गुंड, ॲड. बाळासाहेब मोरे, प्रदेश युवती अध्यक्ष संध्या सोनवणे आदी उपस्थित होते.यावेळी माजी जिल्हा परिषद उपाध्यक्ष आण्णासाहेब शेलार, बेलवंडी सरपंच ऋषीकेश शेलार व श्रीगोंदा येथील असंख्य कार्यकर्ते जामखेड येथील माजी नगरसेवक राजेश वाव्हळ, शामीर सय्यद, शिवसेना (उबाठा) शहराध्यक्ष गणेश काळे आदींनी उपमुख्यमंत्री अजित पवार यांच्या उपस्थितीत राष्ट्रवादी काँग्रेसमध्ये प्रवेश केला.
कोणत्याही टिप्पण्‍या नाहीत:
टिप्पणी पोस्ट करा