खर्डा प्रतिनधी/१मे २०२५
जामखेड तालुक्यातील खर्डा गावात शासकीय गोदाम, दवाखाना आणि ग्रामपंचायत कार्यालय या इमारती बेकायदेशीरपणे जमीनदोस्त करण्याच्या आरोपावर ज्योति शिरीष गोलेकर, संग्राम गोलेकर आणि जेसीबी मालक सुमित सुधीर चावणे यांचा जामीन अर्ज ३० एप्रिल २०२५ रोजी श्रीगोंदा जिल्हा सत्र न्यायालयाने फेटाळला असून पीडित ग्रामस्थांच्या तक्रारीनंतर खर्डा पोलिसांनी गुन्हा दाखल करून आरोपींविरोधात न्यायालयात कडक भूमिका घेतली आहे.
खर्डा गावात शासकीय जमिनीवर जेसीबीच्या मदतीने केलेल्या अतिक्रमणामुळे ग्रामस्थांमध्ये तीव्र संताप निर्माण झाला होता. गाळे धारकांसह प्रत्यक्ष नुकसान सहन केलेल्या रहिवाशांनी स्वतंत्र वकिलांद्वारे न्यायालयात आपली बाजू मांडली, यामुळे आरोपींच्या जामीन मागणीविरोधात न्यायालयीन प्रतिसाद अधिक प्रभावी झाला असून सत्र न्यायालयाने घटनेचे गांभीर्य लक्षात घेऊन जामीन अर्ज नाकारण्याचा निर्णय घेतला. ग्रामस्थांच्या सुरक्षिततेसाठी ही कारवाई महत्त्वाची ठरली आहे. न्यायालयाच्या या निर्णयामुळे सरकारी जमिनीच्या संरक्षणासाठीच्या कायदेशीर प्रक्रियेचा प्राधान्यक्रम स्पष्ट झाला आहे.
तसेच खर्डा पोलीस ठाण्यामार्फत सध्या प्रकरणाचा सखोल तपास सुरू आहे.
या प्रकरणामुळे ग्रामीण भागातील सरकारी संपत्तीच्या संरक्षणावर लक्ष केंद्रित झालं आहे. न्यायालयाच्या हस्तक्षेपाने खर्डा ग्रामस्थांना दिलासा मिळाल्याचे स्पष्ट झाले आहे.
कोट
सदर गुन्ह्यातील आरोपींना लवकरात लवकर अटक झाली नाही तर खर्डा ग्रामस्थ जिल्हाधिकारी कार्यालयासमोर लवकरच उपोषण करणार असल्याचा इशारा देण्यात आला आहे.
खर्डा ग्रामस्थ व गाळेधारक
कोणत्याही टिप्पण्‍या नाहीत:
टिप्पणी पोस्ट करा