मुंबई प्रतिनधी – 12जुलै2025
महाराष्ट्रातील पावसाळी अधिवेशनात सत्ताधारी आणि विरोधी पक्षांनी जोरदार चर्चा आणि वादविवाद करत असताना, राष्ट्रवादी काँग्रेसचे आमदार रोहित पवार यांच्याविरोधात अंमलबजावणी संचालनालयाने (ईडी) मोठी कारवाई केली आहे. महाराष्ट्र राज्य सहकारी बँकेच्या (एमएससीबी) घोटाळा प्रकरणांतर्गत ईडीने रोहित पवार आणि इतरांवर पुरवणी आरोपपत्र दाखल केले आहे.
या कारवाईने बारामती मधील पवार कुटुंबाला मोठा धक्का बसल्याचे मानले जात आहे. महसूलमंत्री शरद पवारांच्या वंशजांपैकी असलेल्या रोहित पवार यांच्या बारामती अॅग्रो कंपनीच्या ५० कोटींपेक्षा अधिक किमतीच्या मालमत्तेवरही ईडीने जप्तीची कारवाई केली होती. जानेवारी २०२३ मध्ये त्यांच्या विविध ठिकाणांवर ईडीने छापे टाकले होते. त्यानंतर रोहित पवार यांना चौकशीसाठी मुंबई कार्यालयात बोलावण्यात आले होते.
या आरोपपत्राच्या पार्श्वभूमीवर, रोहित पवार यांनी सोशल मीडियावर आपली भूमिका स्पष्ट करत म्हटले आहे की, "माझ्याविरोधात ईडीने आदेशानुसार कारवाई केली आहे. तपास पूर्ण झाला असून आता न्यायालयात निर्णयासाठी प्रकरण पोहोचले आहे. न्यायव्यवस्थेवर माझा पूर्ण भरोसा असून सत्य उघड होईल."
राज्यातील विधीमंडळाच्या पावसाळी अधिवेशनादरम्यान या घडामोडींमुळे राजकीय चर्चेत भर पडली असून, ईडीच्या नोटीसी आणि आरोपपत्रांनी सत्ताधारी तसेच विरोधी पक्षांच्या नेत्यांच्या भूमिकांवर वाद निर्माण केला आहे.
कोणत्याही टिप्पण्‍या नाहीत:
टिप्पणी पोस्ट करा