खर्ड्यात गणेशोत्सव शांतता कमिटी बैठकीत राजकीय चर्चा; युवकांचा महावितरणवर संताप ,समस्यांवर निवारणाचे आश्वासन- सपोनि राजपूत

खर्डा (प्रतिनिधी) –22ऑगस्ट2025
दि. २१ ऑगस्ट २०२५ रोजी सायंकाळी ५ वाजता खर्डा पोलीस स्टेशनवर गणेशोत्सव २०२५ च्या पार्श्वभूमीवर विशेष शांतता कमिटीची बैठक आयोजित करण्यात आली. सहाय्यक पोलीस निरीक्षक उज्वलसिंह राजपूत यांच्या प्रस्तावनेने आयोजित झालेल्या या बैठकीत गावातील सर्व गणेश मंडळांचे अध्यक्ष, उपाध्यक्ष, राजकीय नेते, कार्यकर्ते आणि सदस्य उपस्थित होते.

बैठकीत युवकांनी महावितरणच्या तुटक सेवा आणि बारकाईने न घातलेल्या विजेच्या तारांवर गंभीर टीका केली. "आमच्या मागण्यांकडे सातत्याने दुर्लक्ष होत आहे," अशी संतप्त प्रतिक्रिया त्यांनी व्यक्त केली. गणपती मिरवणुकीदरम्यान विजेच्या ताऱ्यांच्या खाली नागरिकाचा अपघात होण्याची

शक्यता असताना महावितरणने आवश्यक ती खबरदारी न घेतल्याने प्रश्न उपस्थित झाले. तसेच गावातील खराब रस्ते आणि वारंवार होणाऱ्या विजेच्या खंडितीमुळे गणेशोत्सवाच्या तयारीवर परिणाम होण्याची तक्रार करण्यात आली.

युवकांनी ग्रामपंचायतीवर देखील रस्ते आणि वीज याबाबत दुर्लक्ष केल्याचा आरोप केला आणि दारू पिऊन राडा करणाऱ्यांविरुद्ध पोलिसांनी तातडीने कारवाई करण्याची मागणी केली.
यावेळी भाजप जिल्हा उपाध्यक्ष रवींद्र सुरवसे यांनी सर्व स्तरांतील सहभाग आवश्यक असल्याचे सांगितले आणि युवकांच्या समस्या सोडवण्याचा प्रयत्न सभापती राम शिंदे यांच्या माध्यमातून करतील, असे आश्वासन दिले.

बैठकीत गणेशोत्सवाच्या बॅनरबाबतही चर्चा झाली. पोलीस आणि ग्रामपंचायत यांची परमिशन घेतल्याशिवाय बॅनर लावू नये, वादविवाद टाळावा असे सुचवण्यात आले.
सपोनि राजपूत यांनी महावितरणच्या अधिकारियोंशी संपर्क साधून विजेवरील समस्या लवकरच सोडविण्याचा विश्वास दिला. त्यांनी एकत्रितपणे गणेशोत्सव शांततेत साजरा करावा, कोणत्याही कायदा-व्यवस्था भंगास होऊ नये, याकडे सर्वांनी लक्ष द्यावे असे तत्वज्ञान ठेवलं.

त्यांनी दारू व राड्याला पूर्णपणे बंदी घालण्यावर भर दिला आणि कायद्यानुसार वागण्याचा आग्रह धरला.
बैठकीत स्थानिक राजकीय पक्षांचे नेते, ग्रामपंचायत सदस्य, पोलिस अधिकारी व कर्मचारी, युवक तसेच महावितरणचे कर्माचरी व  पत्रकारही उपस्थित होते.