जामखेड मध्ये राज्यस्तरीय खुली हाफ मॅरेथॉन स्पर्धा यशस्वीरीत्या संपन्न

 जामखेड प्रतिनिधी : २२ जानेवारी 

       जामखेड येथे मल्लविद्या संस्कार कुस्ती फाउंडेशनच्या वतीने आयोजित करण्यात आलेल्या राज्यस्तरीय भव्य खुली हाफ मॅरेथॉन स्पर्धेत २१ किलोमीटर पुरुष गटातील पाचही विजते स्पर्धक तसेच ११ किलोमीटर गटातील प्रथम विजेती स्पर्धकही

नाशिक येथीलच असल्याने या स्पर्धेवर नाशिकचेच वर्चस्व राहिले असल्याचे दिसून आले. 

 आज दि. २२ जानेवारी रोजी झालेल्या राज्यस्तरीय खुली हाफ मॅरेथॉन स्पर्धेचे उद्घाटन बारामती ऍग्रोच्या विश्वस्त व आ. रोहित पवार यांच्या मातोश्री सुनंदाताई पवार यांच्या हस्ते करण्यात आले. या स्पर्धेची सुरूवात छ. शिवाजी महाराज, राजमाता जिजाऊ, स्वामी विवेकानंद व नेताजी सुभाषचंद्र बोस यांच्या प्रतिमेचे पूजन करून करण्यात आली. 

 या प्रसंगी राष्ट्रवादी काँग्रेसचे कर्जत जामखेड विधानसभा क्षेत्र अध्यक्ष नेते प्रा. मधुकर राळेभात, बाळासाहेब आवारे, परंडा येथील सभापती पै.नवनाथ जगताप, माजी सभापती सुर्यकांत मोरे,जिल्हा बँकेचे संचालक अमोल राळेभात, कर्जतचे जि.प. सदस्य प्रविण घुले, सारोळा गावच्या सरपंच रितु अजय काशिद, सिताताई काशिद, हनुमंत जाधव, संजय वराट, डॉ. सुरेश काशिद, कॅप्टन लक्ष्मण भोरे, रावसाहेब जाधव (मेजर), आरिफभाई शेख, नगरसेवक मोहन पवार, अमित जाधव, रमेश आजबे, राम निकम, विजय कोठारी, प्रविण उगले, NNC चे मयुर भोसले, किशोर सातपुते, ज्ञानेश्वर कोळेकर, रमेश बोलभट, प्रल्हाद साळुंके, अमोल गिरमे, आदी क्रिडा प्रेमी, पत्रकार, शिक्षक व नागरिक मोठ्या संख्येने उपस्थित होते.

आयोजक बबन काका काशीद यांच्या मार्गदर्शनाखाली स्पर्धा जामखेड मध्ये उत्साहाच्या वातावरणामध्ये संपन्न झाली. 

     

 

   या स्पर्धेत राज्यभरातून ५०० च्या वर तसेच स्थानिक स्पर्धकही मोठ्या संख्येने व उत्साहात सहभागी झाले होते. निपक्षपातीपणे स्पर्धा यशस्वी संपन्न झाली.

यावेळी पार पडलेल्या स्पर्धेतील विजेते 

२१ किलोमीटर पुरुष गट:

 प्रथम चंदन यादव नाशिक २१००० रूपये 

द्वितीय-अंकित कुमार - नाशिक १५००० रूपये 

तृतीय- देवेंद्र चौधरी - नाशिक ११००० रुपये 

 चतुर्थ-रोहित बिन्नर -नाशिक ७००० रूपये 

पाचवा- अनिल यादव-नाशिक  ५००० रूपये 

विजेते ११ किलोमीटर महिला गट

प्रथम शैली धामा -नाशिक-११००० रूपये 

द्वितीय -अश्विनी काटोले- ७००० रूपये 

तृतीय- निकिता मात्रे ५००० रूपये 

 चतुर्थ - सुरेखा मातणे ३००० रूपये

पाचवा- विशाखा बास्कर -अ नगर 2000रु

 विजेते  ५ किलोमीटर कुमार गट मुले 

प्रथम - विजय ढोबळे- परभणी ५००० रु - 

द्वितीय - वैभव शिंदे- जालना ३००० रु

तृतीय- विराज भोसले- अ नगर २००० रूपये

 विजेते 5 किलोमीटर कुमार गट मुली 

प्रथम -वेदिक मंडलिक- नाशिक ५००० रु

द्वितीय- जान्हवी रोझोदे- जळगाव ३००० रु

तृतीय- अश्विनी हिरडे - श्रीगोंदा-२००० रु

विजेते 4 किलोमीटर वरिष्ठ गट

प्रथम - डॉ सानप - जामखेड ५००० रु

द्वितीय - बद्रीप्रसाद वाबळे- नाशिक ३००० रु

तृतीय- विजय भोसुरे- पुणे  २००० रूपये 

सर्व विजयी स्पर्धकांना रोख रक्कम सन्मानचित्र मेडल व प्रशस्तीपत्रक मान्यवरांच्या हस्ते देण्यात आले .

      तसेच उपमहाराष्ट्र केसरी बबन काशीद यांनी दोन किलोमीटर पोहणे स्पर्धेमध्ये यश मिळवल्याबद्दल जामखेड करांच्या वतीने त्यांचा विशेष सन्मान करण्यात आला.