अहिल्यानगर प्रतिनधी/५ जुलै२०२५
अहिल्यानगर येथील राष्ट्रवादी काँग्रेसच्या आमदार संग्राम जगताप यांना काही दिवसांपूर्वी जीवे मारण्याची थेट धमकी मिळाल्यानंतर पोलिसांनी तातडीने कारवाई केली आहे. त्यांच्या खासगी सहाय्यकाच्या मोबाईलवर आलेल्या टेक्स्ट मेसेजमध्ये "संग्राम को दो दिन के अंदर खत्म करूंगा" असे रविवारी धक्कादायक शब्द होते, ज्यामुळे राजकीय वर्तुळात खळबळ उडाली. या धमकीची तक्रार कोतवाली पोलीस ठाण्यात नोंद झाली असून, तपासादरम्यान हैदराबादमधून आरोपीला ताब्यात घेण्यात आले आहे. आरोपीचा मूळ संबंध बीड जिल्ह्याशी असल्याचे समोर आले आहे.
संग्राम जगताप हे अजित पवार गटाचे आमदार असून, ते गेल्या काही काळापासून हिंदुत्ववादी भूमिकेमुळे चर्चेत आले आहेत; त्यांनी अनेकदा मुसलमान समुदायावर टीका केली आहे. तसेच, अजित पवार यांनी बोलावलेल्या बैठकीतून वेगळे वर्तन केल्यामुळेही त्यांचे स्थान राजकीय चर्चेत होते. या पार्श्वभूमीवर आलेली धमकी त्यांच्या बंदूकीच्या राजकीय भूमिकांशी संबंधित असल्याचा अंदाज पोलिसांनी वर्तवला आहे.
स्थानिक गुन्हे शाखेच्या पथकाच्या नेतृत्वाखाली पोलीस निरीक्षक दिनेश आहेर यांनी हैदराबादच्या निजामाबाद तालुक्यातील धगगी गावात आरोपी अनिस महमद हनीफ शेख याला ताब्यात घेतले. आरोपी मूळचा बीड जिल्ह्याचा असून सध्या नारेगाव, संभाजीनगर येथे वास्तव्यास आहे. या प्रकरणी पोलिस अधिक तपास करत आहेत.
कोणत्याही टिप्पण्‍या नाहीत:
टिप्पणी पोस्ट करा