कर्जत प्रतिनधी/२८ जुलै२०२५
रोहित पवारांच्या मतदारसंघातील घुमरी ग्रामपंचायतवर भाजपच्या मंत्री जयकुमार गोरेंनी कडक कारवाई केली आहे. मागासवर्गीय विकास निधीचा वापर न झाल्याचा आरोप करत त्यांनी ग्रामपंचायतचे निकाल काढले असून, या निर्णयावर राजकीय वर्तुळात चर्चेची लाट उठली आहे.
महाराष्ट्रातील कर्जत-जामखेडच्या विधानसभा मतदारसंघातील घुमरी (ता. कर्जत) ग्रामपंचायतीवर भाजपा ग्रामविकास मंत्री जयकुमार गोरेंनी मागासवर्गीय समाज विकासासाठी राखीव निधीचा वापर न केल्याचा ठपका दिला आहे. यानुसार, त्यांनी या ग्रामपंचायतीचे बरखास्तीचे आदेश जारी केले आहेत. या कारवाईमागे राजकीय हेतू असल्याचा आरोप सरपंच संगीता अनभुले आणि विरोधक ग्रामपंचायत सदस्यांनी केला आहे. ग्रामपंचायत अधिनियम 1954 नुसार, हा निधी खर्च करणे अनिवार्य असून जिल्हा परिषद मुख्य कार्यकारी अधिकाऱ्यांनी या निधीचा वापर न झाल्याचा अहवाल सादर केला होता.
पंचायत समितीच्या गटविकास अधिकारी यांनी चौकशीसाठी दाखल केलेल्या तक्रारीत निधीचा गैरवापर निष्पन्न झाल्याने ॲड. अनभुले यांनी मंत्री गोरेंना ग्रामपंचायतेची बरखास्ती मागणी केली. मात्र ॲड. एल. के. गोरे यांनी युक्तिवाद केल्यावर ही मागणी तात्पुरती स्थगित झाली. सरपंचांनी आपले बचाव करत सांगितले की, चौकशीसाठी पंचायत समितीचे अधिकारी गावाला आले नाहीत आणि निधी वापरासाठी योग्य मार्गदर्शनही मिळाले नाही. तसेच जिल्हा परिषदेच्या मुख्य कार्यकारी अधिकारी यांनी बरखास्तीचा प्रस्तावही सादर केला नसल्याचा दावाही त्यांनी केला.
मंत्री जयकुमार गोरे यांनी सर्व युक्तिवाद नाकारून ग्रामपंचायतेला योग्य वेळी आपले म्हणणे मांडण्याची संधी देण्यात आली असल्याचे स्पष्ट केले. मागासवर्गीय विकास निधीचा वापर न केल्यास कायदेशीर जबाबदारी गंभीर असल्याचे नमूद करत त्यांनी घुमरी ग्रामपंचायत बरखास्त करण्याचा आदेश दिला.
कोणत्याही टिप्पण्‍या नाहीत:
टिप्पणी पोस्ट करा