खर्डा प्रतिनधी/21ऑगस्ट2025
खर्डा पोलीस स्टेशन येथे आज दि. २१ ऑगस्ट २०२५ सायंकाळी ५ वाजता गणेशोत्सव २०२५ च्या पार्श्वभूमीवर शांतता कमिटीची विशेष बैठक आयोजित करण्यात आली आहे. या बैठकीचे आयोजन सहाय्यक पोलीस निरीक्षक उज्वलसिंह राजपूत यांच्या प्रस्तावनेने करण्यात आले असून, गावातील सर्व गणेश मंडळांचे अध्यक्ष, उपाध्यक्ष व सदस्य उपस्थित राहण्याचे पोलिसांनी आवाहन केले आहे.
खर्डा पोलीस स्टेशनच्या सौजन्याने होणाऱ्या या शांतता समितीच्या बैठकीचा मुख्य उद्देश येत्या गणेशोत्सवादरम्यान आदर आणि शांतीचे वातावरण राखणे हा आहे. सहाय्यक पोलीस निरीक्षक राजपूत यांनी या बैठकीस सर्व गणेश मंडळांना त्यांच्या गावातील प्रमुख पदाधिकाऱ्यांसहित हजर राहण्याचे आवश्यक समजावले आहे. कोणत्याही कारणास्तव गैरहजर राहू नये, असेही त्यांनी सांगितले आहे.
या बैठकीच्या माध्यमातून एका स्थिर आणि सुरक्षित गणेशोत्सवाचे वातावरण निर्माण करण्यासाठी प्रयत्न करण्यात येणार असून, सदर बैठक उत्सवाच्या पूर्वसंध्येला शांतता आणि ऐक्याची मजबूत पायाभरणी ठरवेल.यामुळे आज होणाऱ्या शांतता कमिटी बैठकिला खर्डा व पंचक्रोशीतील सर्व गणेश मंडळांचे अध्यक्ष व सदस्य उपस्थित राहण्याचे खर्डा पोलिसांचे आवाहन आहे.
कोणत्याही टिप्पण्‍या नाहीत:
टिप्पणी पोस्ट करा